Vis kilden til Anders Trøan

'''[[Anders Trøan|Anders Embretsen Trøan]]''' (fødd i [[Os kommune (Hedmark)|Os i Østerdalen]] 1[[4. november]] [[1812]], død i Christiania [[28. oktober]] [[1872]]) var lærar og aktiv i den skulepolitiske debatten rundt midten av 1800-talet.

Han var fødd og oppvaksen på garden Trøan i [[Dalsbygda]] i Os. Foreldra var Embret Estensen Trøan (1775-1860) og Berit Solandsdotter (1783-1836) fødd på Nirstun Østgarden, også i Dalsbygda.<ref>{{digitalarkivet|pd00000001434848|Anders Embretsen|Ministerialbok for Tolga prestegjeld 1786-1814}}. Moras navn er her Marit Solandsdatter.</ref>

Anders var den tredje i ein syskenflokk på sju. Han var dotterson av [[Soland Jonsen Østgaard]], nevø av [[Michael Østgaard]] og fetter til [[Nikolai Ramm Østgaard]]. Av syskena er særleg [[Esten Trøan|Esten]] (fødd 1809) og [[Mikkel Trøan|Mikkel]] (fødd 1817) kjende. 

Anders Trøan gifta seg i 1849 med Maren Helene Berentsen, men vart enkjemann allereie året etter. Deretter vart han gift med Emine Jensine Arneberg (1833-1861).

Trøan byrja tidleg som omgangsskulelærar i heimbygda, og vart deretter fastlærar i [[Tolga]]. Han fekk lærarutdanning ved [[Asker seminar]] 1840-1842, der han tok eksamen med utmerking.

Nå vart han fyrst ei tid lærar ved [[Stiftelsen Christian Augusts Minde]] (Mangelsgården, i nåverande Storgata i Oslo, ein skule for «forsømte Børn».)  Frå nyttår 1844 vart han lærar og inspektør ved [[Eugenia stiftelse|Eugenias Stiftelse]] i Christiania, som var ein «Opdragelses- og Undervisningsanstalt for fattige Pigebørn af Borger- og Almueklassen». Trøan slutta der i 1858, og arbeidde sidan som broren Mikkel som lærar ved Christiania Almueskoler.

Han var ven og forbundsfelle med [[Ole Vig]], og skreiv ein del i hans blad [[Den norske Folkeskole]].

Både Anders og broren Mikkel vanka truleg i foreininga [[Tollekniven (foreining i Christiania)|Tollekniven]], der dei mellom andre var i hop med fetteren Nikolai Ramm Østgaard og kanskje også [[Aasmund Olavsson Vinje]], som han kan ha kjent frå Asker seminar.

==Referansar==

<references />


== Kjelder og litteratur ==
*Gjermundsen, Jon Ola: ''Bygdebok for Os. Bygda og folket''. Bind I. Os kommune 1999.
*''Norsk Forfatter-Lexicon 1814-1880''. Av J.B.Halvorsen, fullført av Halvdan Koht. 5. bind.
*Røst, Olaf: ''Minder fra Hjembygden''. Kristiania 1883. 

==Eksterne lenkjer==

* {{hbr1-1|pd00000001434848|Anders Trøan}}.

{{DEFAULTSORT:Trøan, Anders}}
[[Kategori:Personer]]
[[Kategori:Os kommune]]
[[Kategori:Oslo kommune]]
[[Kategori:Skolefolk]]
[[Kategori:Fødsler i 1812]]
[[Kategori:Dødsfall i 1872]]
{{nn}}