Vis kilden til Johannes Aarflot (1867–1930)

'''[[Johannes Aarflot (1867–1930)|Johannes Aarflot]]''' (fødd 20. januar 1867 i [[Ålesund]], død 17. mai 1930 same stad) var ordførar og bokhandlar i Ålesund.  

== Slekt og familie ==
Han var det eldste bornet til stortingsrepresentant [[Johannes Aarflot (1824–1891)|Johannes Amundsson Aarflot]] (1824–1891) og [[Anna Gulandine Aarflot (f. 1846)|Anna Gulandine Drabløs]] (f. 1846). Faren tilhøyrde slekta [[Aarflot]] - han var son av salmediktaren [[Berte Kanutte Aarflot]] og datterson av [[Sivert Aarflot]].

Han vart i 1895 gift i [[Moss]] med [[Joachime Johanna Aarflot|Joachime Johanna Brinchmann]] (f. 1874), dotter av tollkasserar [[Harald Christophersen Brinchmann (1827–1909)|Harald Christophersen Brinchmann]] og [[Anna Margrethe Atlesen Brinchmann]]. På farssida tilhøyrde ho slekta [[Brinchmann]]. Paret fekk minst tre born.

== Liv og virke ==
I 1884 tok han [[examen artium]] frå [[Ålesund Latinskole|Ålesund Latinskule]]. Han byrja så studere jus i [[Kristiania]], og tok juridisk embetseksamen i 1891. Etter ein kort tid som fullmektig ved [[Nordre Sunnmøre sorenskrivarembete]], samstundes med at han var redaktør i ''[[Aalesunds Handels- og Sjøfartstidende]]'', tok han over faren sin bokhandel, [[J. Aarflot Bok & Papirhandel]]. Butikken hadde óg trykkeri og bokbinderi. 

I 1896 kom han inn i bystyret i Ålesund, der han sat til 1916. Frå 1899 til 1908 var han i formannskapet, og frå 1905 til 1907 var han ordførar. Han var óg leiar i [[Ålesund Høgre]] i ei årrekke, og han var redaktør i høgreavisa ''[[Søndmøre Folketidende]]''. Tida som ordførar var sterkt prega av [[Bybrannen i Ålesund 1904|bybrannen i 1904]]. På grunn av sviktande helse måtte han trappe ned sin politiske aktivitet.

Han var i 1899 med på å skipe [[Aalesunds Mekaniske Verksted]], og vart fyrste formann i direksjonen der. Aarflot engasjerte seg sterkt i saka om bygging om [[Raumabanen]].

I 1906 vart han dekorert med kroningsmedaljen i samband med kroninga av [[Haakon VII]]. 

[[Riksantikvaren]] har i samlinga nokre postkort frå Ålesund merka med «Eneret J. Aarflot».<ref>Sjå [[:Kategori:Bilder av Johannes Aarflot|Kategori:Bilder av Johannes Aarflot]].</ref> Desse vart utgjevne av bokhandelen, men det er grunn til å tru at det var Johannes Aarflot sjølv som hadde tatt dei. Han dreiv nemleg óg med fotografi i bokhandelen, og hadde annonser for både sal av fotoapparat og fotografiske reproduksjonar av kunst.<ref>Jf. fleire annonsar i ''Søndmøre Folkeblad''. 1911-12-13. {{nb.no|NBN:no-nb_digavis_soendmoerefolkeblad_null_null_19111213_20_98_1}}.</ref>

== Referansar ==
<references />

== Litteratur og kilder ==

* {{hbr1-1|pf01052681002816|Johannes Aarflot}}.
* Minneord i ''Sunnmørsposten''. 1930-05-19. {{nb.no|NBN:no-nb_digavis_sunnmorsposten_null_null_19300519_48_114_1}}.
* [https://historier.no/historier/johannes-aarflot-d-y-ordforerne-i-alesund/ Ordførerne i Ålesund: Johannes Aarflot d.y.], historier.no.

{{Nn}}{{Sivert Aarflot}}
[[Kategori:Personer]]
[[Kategori:Jurister]]
[[Kategori:Bokhandlere]]
[[Kategori:Fotografer]]
[[Kategori:Ålesund kommune]]
[[Kategori:Fødsler i 1867]]
[[Kategori:Dødsfall i 1930]]
{{DEFAULTSORT:Årflot, Johannes}}