Vis kilden til Ola K. Brøste (1875–1970)

<onlyinclude>{{thumb |Ola og Marianne Brøste 001.jpg|Marianne og Ola K. Brøste.|Ukjent}}
'''[[Ola K. Brøste]]''' (født [[5. desember]] [[1875]] i [[Nedre Kleiva (Rauma)|Nedre Kleiva]] i [[Romsdalen]], død [[10. desember]] [[1970]] på [[Verma]]) var gardbrukar på fjellgarden [[Ner-Brøste (Rauma)|Ner-Brøste]] øvst i Romsdalen. Foreldra var Ingeborg Pedersdtr. (1843-1935) frå [[Nest-Tande (Lesja)|Nest-Tande]] på [[Lesja]] og Knut Olsson Kleven (1840-1910) som var født på Ner-Brøste. </onlyinclude>

==Familie==
Foreldra til Knut, Sigrid Hansdtr. (1813-1893) og Ola Knutsson (1811-1887) dreiv Ner-Brøste frå 1831. I 1872 selde dei halve garden og kjøpte Nedre Kleiva, flytta dit og nytta Ner-Brøste som seter. Knut fekk skøyte på Kleiva i 1872 og kjøpte att bruksnr. 2 av Ner-Brøste i 1876. Han gifta seg i 1873 i Lesja med Ingeborg, og dei vart buande i Kleiva med Ner-Brøste som seter.

Eldstesonen Ola gifta seg i 1902 med Elianna Jonsdtr. Skjelbostad (1879–1911) frå [[Skjelbostad (Rauma)|Skjeldbostad]] i [[Innfjorden (Rauma)|Innfjorden]] i Rauma. Dei overtok Ner-Brøste i 1904 og bygde opp den garden som er kjent frå nyare tid. Elianna døydde altså berre 32 år gamal, og Ola gifta seg opp att i 1915 med [[Marianne Brøste (1882-1963)|Marianne Mathiasdtr. Sletta]] (1882-1963), født i [[Steinbiten (Rauma)|Steinbiten]], ein liten husmannsplass under [[Sletta (Rauma)|Sletta]] på sørsida av [[Verma]]. Ola og Elianna hadde barna:
# [[Knut Brøste (1902-1991)|Knut]] (1902-1991),
# [[Ingeborg Johanne Wangen (1904-2008)|Ingeborg]] (1904-2008) og
# [[Johan Olaf Brøste (1906-1957)|Johan Olaf]] (1906-1957)

Ola og Marianne hadde fem gutar:
# [[Edvin Oskar Brøste (1916-2001)|Edvin]] (1916-2001),
# [[Mathias Ansgar Brøste (1919-2000)|Mathias]] (1919-2000),
# Alfred Kaspar (1921-1935),
# [[Olav Magnar Brøste (1924-2011)|Olav]] (1924-2011) og
# [[Kåre Brøste (1926-2012)|Kåre]] (1926-2012).
Alfred fekk blindtarmbetenning i februar 1935 og vart sendt til [[Lillehammer sjukehus]], men livet stod ikkje til å redde.

==Gjetararbeid==
Alt som 8-åring, i 1884, måtte Ola ut som gjetar. Faren, Knut, tok på seg sauar for gjeting utan betaling, men han fekk gjødsla. Første året hadde han 80 sauer frå fleire forskjellige gardar. Betaling var ikkje å få, men han fekk vere med faren til [[Romsdalsmartnan]] om hausten.<ref>Frå artikkel i [[Romsdal Folkeblad]] 23.12.1968, attgjeve i slektsskriv 1985 s. 72.</ref>

==Garden og gardsarbeid==
<onlyinclude>Da Ola overtok Ner-Brøste, var ikkje jordvegen dyrka opp i nemnande grad. Han, og etter kvart sønene, rydda og dyrka minst 100 [[dekar]]. For det fekk han i 1929 diplom og ein sølvkopp. Buskapen var frå starten ein hest og 4-5 kyr. I 1939 var det tre hestar, 27 storfe og ein del sau. I 1938 var kornavlinga på 5000 kg godt bygg. </onlyinclude><ref>Intervju i [[Romsdalsposten]] 20.6.1939 og Romsdal Folkeblad 23.12.1968, gjengitt i ''Slektsskrift 1985'' side 69-71 og 73.</ref>

Hausten 1928 starta Ola bygging av [[Ner-Brøste_(Rauma)#Revefarm_i_mellomkrigstida|revefarm]] på garden.

==Arbeid for turistforeininga==
{{thumb|Vakkerstølen.JPG|Turisthytta [[Vakkerstølen]], som Ola bygde.|[[Arnfinn Kjelland]] (2014)}}
I 1925-26 tok Ola på seg å frakte [[Pyttbua]] innover [[Brøstdalen]]. Nokre år seinare bygde han sjølv, med hjelp av sønene, [[Vakkerstølen]].

==Tømmerdrift og sagbruk==
<onlyinclude>[[Ner-Brøste_(Rauma)#Skogsdrift|Som nemnt under garden]], var skogen viktig. Da Ola bygde om [[Brøstsaga|saga]] til sirkelsag i 1917 var [[Verma kraftverk|kraftverket]] ved [[Stavem (Rauma)|Stavem]] under bygging, og da måtte det rivast eit sagbruk som han kunne kjøpe delar frå. Deretter kjøpte Ola mykje tømmer også på [[Lesja]]-sida av fylkesgrensa. Særleg i 1933-34 hogde og skar dei mykje tømmer, mellom anna til den nye stugubygninga som [[Knut Brøste|Erika og Knut]] bygde på garden. For oppgjør for fallrettane i Ulvåa bygde han om saga i 1934.

Ola var aktiv på saga så lenge den var i bruk. Siste gongen det er nemnt var i 1959. Da var han 84 år.</onlyinclude><ref>Fortalt av Knut, i ''Slektsskrift 1985'' s. 52-54.</ref>

==Under snøraset!!==
Det var om vinteren i 1942 at Ola vart teke av snøras. Det hadde vore bitande kaldt lenge, og snøen var hard. Så kom det 5-10 cm nysnø og vind, som la opp skavlar. Den morgonen han skulle ut for å sjå etter [[snare|rypesnarene]] var det 28 minusgrader. Ola hadde akkurat teke av seg skia for å sjå etter nokre snarer, og «før i (eg) hadde fått fast bindingan, so kom det laustnan [...] Ja, i for utover eit høgt stup då. I fekk ikkje røre på hauet so mykje som ein millimeter - skruva fast. Og like dann med føten, og det var fullt med snøv like inn i munn» fortalde han sjølv til [[Joachim Rønneberg]] da han var 90 år.<ref>Attgjeve i ''Slektsskrift 1985'' s. 57.</ref>

Ola vart liggande 7 timar i fonna. Da hadde han blitt sakna heime og sønene Knut, Olav og Kåre drog avstad for å leite. Ola kunne høyre dei på snøen over seg der han låg i raset, klarte å rope og dei grov han fram. Da hadde han forfyst begge føttene og laut på sjukehus og amputere tærne.

==Minner og forteljingar==
I 1962 vart Ola intervjua av [[Arne Randers Heen]], der han [[Kjeldearkiv:Minner frå oppvekst og forteljingar frå Brøstdalen|gjenfortalde historier han hadde høyrt frå bestefar sin og minner frå eigen ungdom]], mellom anna rype- og reinsjakt.

==Eksterne lenker==
* {{hbr1-1|pd00000011464130|Ola K. Brøste}}.

==Kjelder==
* [https://media.digitalarkivet.no/kb20070308680330 Dåpen til Ola i kyrkjeboka], nr. 4 i 1876.
* Brøste, Steinar m.fl. 1985:''[http://bibsys-primo.hosted.exlibrisgroup.com/HVO:blended_scope:BIBSYS_ILS71502930690002201 Slektsskrift for Brøste-slekten fra Rauma i Romsdal]''.

== Referansar ==
<references/>

{{DEFAULTSORT: Brøste, Ola K.}}
[[Kategori: Personer]]
[[Kategori: Rauma kommune]]
[[Kategori: Øverdalen (Rauma)]]
[[Kategori: Gardbrukere]]
[[Kategori: Tafjordfjella]]
[[Kategori: Fødsler i 1875]]
[[Kategori: Dødsfall i 1970]]
{{nn}}
{{F2}}