Vis kilden til Ole Wigdahl

<onlyinclude>'''[[Ole Wigdahl|Ole Vilberg Wigdahl]]''' (fødd 1772, død 1827) var borgar av [[Kristiansund]] og handelsmann i [[Aure]]. 

Han var fødd på garden Vigdal i Buvika i [[Byneset prestegjeld]] utanfor [[Trondheim]]. Foreldra var Ingebrigt Vigdal og Dorthe Paulsdtr. Ei tid var Ole Wigdahl kontorist for sorenskrivar Lindemann på [[Nordmøre]], og i folketeljinga i 1801 er han såleis registrert i hushaldet til sorenskrivaren på garden Ytre Øye i [[Surnadal]]. I 1804 kjøpte han husa på det gamle borgarleiet Havna, ein husmannsplassen under prestegarden i Aure. Same år vart han borgar av Kristiansund med rett til å drive handel som uteliggjarborgar i Aure. I 1810 kjøpte han kyrkja i Aure, og han var elles ein aktiv deltakar innanfor ei rekkje område i lokalsamfunnet. Som handelsborgar var han medlem av bygdekommisjonen fram til slutten av 1808. I 1807-08 var han også første forlikskommisær i Aure. I 1814 var han ein av initiativtakarane for å etablere bygdemagasin i Aure, og ei stund var han forvaltar for bygdemagasinet. Frå 1818 var han hjelpevaksinatør i prestegjeldet. </onlyinclude>

Wigdahl var ein sentral aktør i konflikten mellom allmugen i Aure og soknepresten [[Eiler Hagerup]], som enda med at soknepresten vart frådømd stillinga si i 1821. Wigdahl vart i 1813 gift med Magdalena Margretha Koren Christie (1781-1847), dotter til Johan Koren Christie og Anna Thue Ross Brodtkorb i Kristiansund. Han var framleis handelsmann i Havna då han døydde i 1827.

Ole Vilberg Wigdahl var valmann for Aure prestegjeld våren 1814. I adressa frå Aure er namnet oppgjeve til C. Wiigdahl.

==Kjelder==
* Arkivverket. Digitalarkivet. Folketeljinga 1801. Aure og Surnadal prestegjeld. 
* Orten, Per Eilert: ''Den nye dagen gryr. Bygdabok for Aure 1800-1900. Allmenn historie'', s. 215-218, 254, 275, 280.
* {{hbr1-1|pf01058431000071|Ole Wigdahl}}. 

{{DEFAULTSORT: Wigdahl, Ole Vilberg}}
[[Kategori:Personer]]
[[Kategori:Valgmenn]]
[[kategori:handelsfolk]]
[[Kategori:Aure kommune]]
[[Kategori:Kristiansund kommune]]
[[Kategori:Trondheim kommune]]
[[kategori:Skaun kommune]]
[[Kategori:Surnadal kommune]]
[[Kategori:Fødsler i 1772]]
[[Kategori:Dødsfall i 1827]]
{{f1}}
{{nn}}