Vis kilden til Poul Christian Holbye

'''[[Poul Christian Holbye]]''' (fødd i [[Vardal]] [[1793]], død 1848) var jurist og samfunnsdebattant. I Vardal bygdebok<ref>{{Vardal bygdebok 1}} side 70</ref> er det som openbert er same person, omtala som Paul Kristofer, fødd 1792. 

Holbye var son av gardbrukar Jakob Hansen (fødd 1763) på [[By (Vardal)|By]] og Cecilie Nilsdt. Holbye (ca. 1771-1795). Mora var syster til sokneprest Holbye i Vardal. Etter at ho døydde, gifta Jakob seg opp att. Poul Christian tok sidan mora sitt etternamn. Han hadde to heilsysken og ni halvsysken. Foreldra og nokre av syskena er omtala i den handskrivne [[Kjeldearkiv:Askjums historie (Ludvik Olsen Breilid)|gardshistoria for Askjum]] i [[Østre Toten]]. Poul Christian Holbye døydde ugift.

Poul Christian fekk vidaregåande utdanning og tok [[preliminæreksamen]] i 1816 og [[norsk juridisk eksamen]] i 1823. Han var ei tid kopist i Statssekretariatet.

I [[1836]] gav Poul Christian Holbye ut det polemiske skriftet ''De formeentlige Aarsager til den norske Landmands uheldige Skjæbne siden Aaret 1814''.<ref>[http://urn.nb.no/URN:NBN:no-nb_digibok_2008010210001 Holbye, P.C. 1836, digital utgåve på NBdigital.]</ref> Ei hovudårsak til dei økonomiske vanskane gardbrukarane sleit med på den tida, meinte Holbye var mangel på «Brugskapital». Dette skuldast i stor mon offentlege avgifter, og Holbye går særleg til åtak mot embetsmennenes [[sportel|sportulering]] og det han meinte var unødige statsutgifter til mellom anna bygging av [[Slottet|slott]] i [[Christiania]], skipsverftet i [[Horten]] og sjøkrigsskulen i [[Fredriksvern]]. Han er sterkt kritisk til delar av skattelovgjevinga, ordninga av pengevesenet, brennevinslova og anna.

Holbye gav det same året [[1836]] også ut ein pamflett på 11 sider med tittelen ''Nogle Ord om 17de Mai og 4de November''

== Kjelder og litteratur ==
*Halvorsen, J.B.: Norsk Forfatter-Lexikon 1814-1880, band 2. Kristiania 1888.
*{{Vardal bygdebok 1}}
*{{hbr1-1|pg00000003607174|Poul Christian Holbye}}
== Referansar ==
<references/>

{{DEFAULTSORT:Holbye, Poul Christian}}
[[Kategori:Personer]]
[[Kategori:Gjøvik kommune]]
[[Kategori:Vardal]]
[[Kategori:Øverbygda (Vardal)]]
[[Kategori:Forfattere]]
[[Kategori:Jurister]]
[[Kategori:Fødsler i 1793]]
[[Kategori:Dødsfall i 1848]]
{{nn}}