Vis kilden til Tøger Larsson Kilen

'''[[Tøger Larsson Kilen]]''' (fødd 2. oktober 1834 i Jostedalen, død 2. september 1936 i Luster) var husmann i [[Jostedalen]] og [[Luster]]. Han var frå husmannsplassen Horpen under [[Nedre Fåberg (Jostedalen)|Nedre Fåberg]] i Jostedalen. 

Den 15. oktober 1863 gifte han seg med Gjertrud Olsdotter (1837-1865).<ref>Øyane 1994, s. 913, [http://www.arkivverket.no/URN:NBN:no-a1450-kb20070305640356.jpg Kyrkjebok for presten i Jostedalen (1849-1877), s. 130] (Digitalarkivet)</ref> Ho var dotter av husmann [[Ole Rasmusson Bergset]] og Johanna Tøgersdotter, som hadde plassen [[Brænna (Jostedalen)|Brænna]] under [[Bergset (Jostedalen)|Bergset]].Tøger og Gjertrud levde truleg ei tid som innerstar på [[Grov (Jostedalen)|Grov]], og dei fekk eitt born:
* Lars Tøgerson (1863-1868)<ref>[http://www.arkivverket.no/URN:NBN:no-a1450-kb20070305640265.jpg Kyrkjebok for presten i Jostedalen (1849-1877), s. 39] (Digitalarkivet)</ref>

Gjertrud døydde 28. september 1865 på Grov eller Bergset.<ref>[http://www.arkivverket.no/URN:NBN:no-a1450-kb20070305640371.jpg Kyrkjebok for presten i Jostedalen (1849-1877), s. 145] (Digitalarkivet)</ref> Kyrkjeboka seier at ho døydde "Nogle Dage efter Barselsengen", men det er ikkje spor etter noko born, så det har vel neppe vorte forløyst. Enkemannen Tøger og sonen Lars budde etter dødsfallet på Bergset i lag med foreldra til Gjertrud og dottera deira Kari Olsdotter.<ref>{{folketelling|pf01038262001136|Tøger Larssen|1865|Jostedal prestegjeld}}</ref>

Den 4. juli 1867 gifte så Tøger seg med Kari Olsdotter (1843-1892),<ref>Øyane 1994, s. 913</ref> altså systera til den tidlegare kona. Ein månad etter (4. august) fekk dei sonen Ole Tøgerson.<ref>[http://www.arkivverket.no/URN:NBN:no-a1450-kb20070305640273.jpg Kyrkjebok for presten i Jostedalen (1849-1877), s. 47] (Digitalarkivet)</ref>

I 1867 gjekk Tøger og Kari i gang med å rydde seg ein plass, [[Tøgeplassen (Jostedalen)|Tøgeplassen]], under [[Li (Jostedalen)|Li]] i [[Mjølverdalen]]. Men alt 6. februar 1868 vart plassen teken av snøskred, og dei to smågutane Lars (4 år) og Ole (7 mnd) omkom.<ref>[http://www.historielaget.jostedal.no/?page_id=1621 Snøskred i Li 1868] (Jostedal historielag)</ref> Etter ein munnleg tradisjon vart dei to smågutane drepne då pipa datt ned over dei.<ref>Øyane 1994, s. 682</ref> Ein av fadrane for guten Ole hadde vore [[Peder Johnson Grov]], som i 1849 hadde opplevd av eitt av bruka han åtte, [[Bakkane (Jostedalen)|Bakkane]] i [[Krundalen]] vart heilt øydelagd av snøskred.

Den 1. desember same året fekk dei så ein ny gut, som vart døypt Lars.<ref>[http://www.arkivverket.no/URN:NBN:no-a1450-kb20070305640276.jpg Kyrkjebok for presten i Jostedalen (1849-1877), s. 50] (Digitalarkivet)</ref> Etter ulukka fekk Tøger og Kari hand om husmannsplassen Kråi i [[Vigdal (Gaupne)|Vigdalen]] der dei budde til 1874.<ref>Øyane 1991, s. 1063</ref> 

I 1874 flytte dei så til husmannsplassen Heimen under [[Kilen (Dale)|Kilen]] i [[Luster]], og her vart dei buande levetida ut. Kari døydde i barsel 18. mai 1892, mest 49 år gamal, då ho fekk sitt 12. born. Tøger vart mest 102 år gamal og fekk kår frå kring 1904 då sonen Sjur tok over plassen.<ref>Øyane 1986, s. 267</ref>

Tøger og Kari fekk 12 born i lag, og 10 voks opp:
*Ole Tøgerson (1867-1868)
*Lars Tøgerson Kilen (1868-1946)
*Johannes Tøgerson Vigdal (1871-1907)
*Gjertrud Tøgersdotter Kilen (1873-1894)
*Ole Tøgerson Kilen (1874-1899)
*Elias Tøgerson Kilen (1877-1964) - utvandra til Amerika 
*Sjur Tøgerson Kilen (1879-1945) - tok over Heimen etter faren
*Andreas Tøgerson Kilen (1882-1969) - utvandra til Amerika
*Tøger Tøgerson Kilen (1884-1953)
*Christian Tøgerson Kilen (1888-1962) - utvandra til Amerika
*Guri Tøgersdotter Kilen (1890-1891)
*Christopher Tøgerson Kilen (1892-1982) - utvandra til Amerika

==Notar==
<references/>

==Litteratur==
*{{folketelling|pf01037351001150|Tøger L. Kilen|1900|Luster herred}}
*{{folketelling|pf01036725001789|Tøger Larsen Kilen|1910|Luster herred}} (merk: Anna fødselsdato og feil fødselsår, men må vere denne Tøger)
*Øyane, Lars E. (1986). ''Dale 1 sokn. Gards- og ættesoge for Luster kommune.'' (Bd. 2). Gaupne: Luster kommune, s. 267-269.
*Øyane, Lars E. (1991). ''Gaupne sokn. Gards- og ættesoge for Luster kommune.'' (Bd. 4). Gaupne: Luster kommune, s. 1063.
*Øyane, Lars E. (1994). ''Jostedal sokn. Gards- og ættesoge for Luster kommune.'' (Bd. 5). Gaupne: Luster kommune, s. 682. ([http://urn.nb.no/URN:NBN:no-nb_digibok_2008020701034 Digital utgåve, NBdigital])

==Eksterne lenkjer==

* {{hbr1-1|pf01036725001789|Tøger Larsson Kilen}}.

{{DEFAULTSORT:Kilen, Tøger Larsson}}
[[Kategori:Jostedalen]]
[[Kategori:Personer]]
[[Kategori:Husmenn]]
[[kategori:Luster kommune]]
{{nn}}