Vis kilden til Ampersbu (Bykle gnr 15/52)

{{Infoboks gard
| målform       = nn
| bgfarge       = 
| navn          = Ampersbu
| bilde         = Gjerden 57c.jpg
| bildetekst    = Ampersbu 30.6.2006. {{byline|Aanund Olsnes}}
| altnavn       = 
| førstnevnt    = 
| ryddet        = 1974
| utskilt       = 1976
| sted          = [[Bykle]] (Kyrkjebygdi)
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 15
| bnr           = 52
| areal         = 
| bruk          = 
| type          = Bustadeigedom
| gateadr       = 
| postnr        = 
}}
'''[[Ampersbu (Bykle gnr 15/52)|Ampersbu]]''' i [[Bykle]] vart utskilt frå bnr 11 i 1976, då Bykle kommune selde tomta til [[I/S Øvre Otra]]. Kraftutbyggjaren hadde ført opp ein tenestebustad her året året fyre. 

Dei fyrste som budde her var Olav Vallevik og familien hans. 
 
* '''Olav Nordli Vallevik''', f 1945 
: g m Grethe Wergeland, f 1944. Born: 
:* Gyri, f 1969 
:* Trude, f 1972 
 
Grethe er frå [[Bergen]], og dotter åt Ole og Kaia Wergeland. Medan dei budde i her i bygda arbeidde ho som sekretær i Bykle kommune. Olav er frå [[Hardanger]], og son åt Gjert og Anne Vallevik. Han er sivilingeniør, og arbeidde for I/S Øvre Otra. Etter tida i Bykle har han vore med på mange kraftanlegg, nokre av dei i Noreg, men mykje av tida har han vore i utlandet, i Lesotho, Kashmir og Tanzania. For tida [2004] arbeider han i NVK Vandbygningskontor, og har base i [[Ski kommune|Ski]]. 
 
Etter at Vallevik flutte frå Bykle hausten 1976, budde Reidar Ove Mork og familien hans i huset her, inntil dei i 1984 flutte til [[Otratun (Bykle gnr 15/54)|Otratun]], gnr 15, bnr 54. Dei vert nærare presenterte i bolken om den verestaden. 

Då Mork sine flutte ut, kom her ein ny familie: 
 
* '''Eivind Mauland''', f 1956 
: g m Wenche Marie Rosseland, f 1957. Born: 
:* Rune, f 1980 
:* Siv Marie, f 1982 
:* Eirin Katrine, f 1994 
 
Wenche Marie er frå [[Hægeland (Vennesla)|Hægeland]], nåverande [[Vennesla kommune]], og dotter åt Mikal og Solveig Rosseland. Eivind er også frå Hægeland, og son åt Jon og Målfrid Mauland. Han er utdanna i utmarksforvalting, og arbeidde som fjelloppsynsmann for I/S Øvre Otra og [[Direktoratet for jakt, viltstell og fiske]] i åra 1983-1986. Stillinga hans var ein del av konsesjonsvilkåra, og han var såleis ikkje ein av dei vanlege tilsette i kraftselskapet. Dermed var han heller ikkje høgt prioritert mot. husvære, så dei to fyrste åra i Bykle budde han åleine i sokkeltasjen hjå Ingebjørg Mosdøl, medan familien var att i Hægeland. Då han fekk leige huset her, fekk han rom til familien, men våren 1986 laut dei avgjeva bustaden, og flutte då til [[Valle kommune|Valle]]. Seinare same året reiste dei til [[Finnmark]], der Eivind arbeidde for [[Statens skoger]]. Nå (2006) er dei attende i Hægeland, der dei driv farsgarden hans ved sidan av at han er utmarkssjef i [[Agder Skogeierforening]]. 

Då familien Mauland flutte ut, flutte Ole Morten Egeland inn. Han og familien hans bur her framleis (2006). Dei leigde huset hjå kraftselskapet inntil dei kaupte det i 2002. 
 
* '''Ole Morten Egeland''', f 1957 
: g 1985 m Rønnaug Torvik, f 1956. Born: 
:* Sigrun, f 1989 
:* Ragnhild, f 1992 
:* Ingvild, f 1994 
:* Olav Magnus, f 1997 
 
Rønnaug vaks opp i [[Rauma kommune|Rauma]] og [[Sauherad kommune|Sauherad]]. Ho er dotter åt Gunvald Magnus Torvik og Paula Ørjasæter Torvik. Ole Morten Egeland er frå [[Kristiansand]], og son åt Olav og Margit Egeland. Rønnaug er logoped og lærar. Ho kom til Bykle i 1981. Ole Morten er avdelingsingeniør i [[Agder Energi]]. 

{{Byklesoga|[[Ohmsbu (Bykle gnr 15/51)|Ohmsbu]]|[[Furuheim (Bykle gnr 15/53)|Furuheim]]}}

[[Kategori:Boliger]]
[[Kategori:Bykle kommune]]
{{artikkelkoord|59.3574|N|7.36102|Ø}}
{{nn}}