Vis kilden til Baadehuset

'''[[Baadehuset]]''' er eit museum og forsamlingshus i [[Espevær]] i [[Bømlo kommune]]. Eigedomen vart kjøpt av Hans Jacop Baade i 1848. Han  bygde huset på ein gamal kjellarmur frå 1690-åra, etter det eldste handelshuset i Espevær. Baadehuset er eit gamalt handelshus, som i denne tida fungerte som eit administrasjonssenter. På Baadehuset kunne ein finna både lege og politi under vårsildfisket. Huset fungerte også som overnattingsplass for fiskarar. 

I dag fungerar Baadehuset nærast som eit museum, men det kan leigast til samkomer. Det er [[Espevær Husmorlag]] som har restaurert huset, og dei har freista å innreia det slik det kan ha sett ut rundt århundreskiftet. Inne i huset er det ei stor samling bilete og mykje maritimt utstyr frå denne epoken i Espeværs historie. I 1989 fekk husmorlaget [[Fritt Ords honnør]] for arbeidet med restaureringa.