Vis kilden til Haugesagvegen

{{thumb|Bø, Haugesagvegen-1.jpg|Haugesagvegen sett nordøstover frå Oterholtvegen.|[[Roy Olsen]]|2016}}

'''[[Haugesagvegen]]''' i [[Bø i Telemark|Bø]] i [[Midt-Telemark kommune]] går nordøstover frå [[Oterholtvegen]] ved [[Bø Museum (Telemark)|Bø Museum]] på [[Oterholt (Bø i Telemark)|Oterholt]] til snuplass i skogen ved elva Juvsåa og er om lag 750 meter lang.

Vegen har namn etter dei to husmannsplassane Haugesag og blei namnsett i 1996. Det ligg sju einebustader langs vegen.

Drygt 150 meter sør for enden av vegen finn vi Haugesagfossen i [[Bøelva (Midt-Telemark)|Bøelva]], den nedste av fossane som høyrde til Oterholt. Fossen blei tidleg utbygd, og alt kring 1600 var det sagbruk her. Det var helst byborgarar som hadde med drifta å gjere, og i 1616 forpakta såleis rådmann i [[Skien]], [[Jan Corneliussen Trinepol]] og Nils Herø saga. Nils som var sagmeister, tok seg bustad like attmed fossen, og dette blei utgangspunktet for husmannsplassen Haugesag. I 1634 dreiv Nils framleis her. I 1822 kjøpte kaptein [[Mathias Rye]] ¾ av Haugesagfossen. Det finnes ikkje spor att etter saga no.<BR>Fleire stadsnam i området er knytta til sagdrifta og fløytinga: Haugesagvelta ligg like ovafor fossen, Haugesagmoen og Sagmyra ligg på nordsida av vegen.