Vis kilden til Hytta under Innistog Byklum

{{Infoboks gard
| målform       = nn
| bgfarge       = 
| navn          = Hytta
| bilde         = Byklum 74.jpg
| bildetekst    = Den kommunale badestoga frå andre halvparten av 1940-åra står omlag på same tomta som Hytta. {{byline|Aanund Olsnes|2006}}
| altnavn       = Hytta under Innistog Byklum
| førstnevnt    = 
| ryddet        = omkr. 1868
| utskilt       = 
| sted          = [[Bykle]] (Kyrkjebygdi)
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 14
| bnr           = 
| areal         = 
| bruk          = 
| type          = [[Husmannsplass]]
| gateadr       = 
| postnr        = 
}}
<onlyinclude><includeonly>{{thumb|Byklum 74.jpg|Den kommunale badestoga frå andre halvparten av 1940-åra står omlag på same tomta som Hytta.|Aanund Olsnes|2006}}</includeonly>
'''[[Hytta under Innistog Byklum|Hytta]]''' var ei hustuft med litt jord innåt, som låg litt ovanfor [[Listog (Bykle gnr 14/54)|Listog]] i [[Bykle]]. 
 
Denne verestaden vart bortsett som plass under [[Innistog (Bykle gnr 14/1)|Innistog]] ein gong mot slutten av 1860-åra. Me veit berre om ein familie som har budd her, og dei var her berre til noko etter 1890. Etter krigen vart det oppsett ei kommunal badestoge her. Denne står framleis. 

Dei som budde her var Dreng Torleivsson Åsen, kona, Sigrid Olavsdotter, fødd Mosdøl, og dottera, Tore. Dreng var frå [[Åsen (Bykle gnr 4/1)|Åsen Hoslemo]], og han og huslyden hans hadde budd på det bruket i 15-16 år fyre dei laut derifrå i 1864 eller 1865. Hovudomtalen av dei er plassert i bolken om det bruket, men her lyt nemnast at dei etter tida i Åsen fyrst var eit bil på plassen [[Skadden under Mosdøl]], inntil dei flutte hit. Vidare tek me med det me veit om dei etter at dei busette seg her. 

I gardsarkivet i Innistog ligg ei husmannskontrakt om Hytta. Denne er skrive i 1873, og då hadde Dreng alt hadde budd her i fleire år. I kontrakta er det Tore Drengsdotter som får bygsla plassen, i staden for faren. Kontrakta er vitnefast underskrive, og ber alle teikn på å vera gyldig, men tinglyst vart ho aldri.</onlyinclude> Me tek inn ei avskrift: 
 
{{sitat|Af gaarden Byklum er Thore Drengsdtr. og mulig Ægtefælle paa Livstid overdraget et lidet Jordstykke i væst for Hæggesletten i Lien mellem Mikkel T. Byklums Bytte og Veien øst fra Kirken; vest til de Store Uhrer og stene (det vil sige hele Dokken som kan sees fra Heggjeslettejordet), mod 1/2 Dalers aarlig afgift, som betales den 11. December hvert Aar. Dog kan jeg, om jeg vil, tage mindre en gang imellem eller bestandig. Alle øvrige Ting falde naturligvis efter Lov, Tid og Omstændigheder, samt Overenskomster. 

Byklum 9.6.1873 &nbsp;&nbsp;&nbsp;&nbsp;&nbsp; Ole Drengsøn Byklum 

For Thore Drengsdatter: Dreng T. Hoslemo 
 
Til vitterlighed: Ole Tallefsen Byklum <br/>
Knud Gundersen Næsland 
 
NB: Det bemærkes at om Thore Drengsdatter dør før Forældre, da beholde disse Pladsen sin for Livstid.}}
 
Tore Drengsdotter døydde i 1879. Dreng og Sigrid budde framleis i Hytta då Sigrid døydde i 1882, og ettersom Dreng hadde livstidskontrakt, vil me tru at han var her så lenge han makta å livberge seg sjølv. Men etter kvart vart han bortimot blind, og då greidde han seg ikkje lenger. I 1894 vedtok fatigkommisjonen at han skulle setjast på legd, då han døydde i 1898 var han innlosjert på eitt av bruka i Tveiti. 
 
Etter at Dreng Torleivsson flutte ifrå veit me ikkje om at det har budd nokon i Hytta. 

{{Byklesoga|[[Uppistogs-Haugo]]|[[Heggjeslettune under Innistog Byklum|Heggjeslettune / Byklumplasset]]}}

[[Kategori:Husmannsplasser]]
[[Kategori:Bykle kommune]]
{{F1}}
{{nn}}