Vis kilden til Lars Tøgerson Kronen

'''Lars Tøgerson Kronen''' (døypt januar 1808, død 2. desember 1886) var frå garden [[Kruna (Jostedalen)|Kruna]] i [[Krundalen]] i [[Jostedal|Jostedalen]]. Han var son til [[Tøger Larsson Kruna]] og Gjertrud Andersdotter, og dermed soneson til lensmann [[Lars Tøgerson Snøtun]].

Han fekk skøyte på heimebruket etter foreldra sine 25. oktober 1830. Dei budde som kårfolk på garden til mora døydde i 1831 og faren i 1854. Lars T. Kronen var gift to gonger, fyrst 20. juni 1836 med Johanna Andersdotter, dotter av [[Anders Andersson Haugen]] frå [[Haugen (Jostedalen)|Haugen]] i Jostedalen. Syskena til Lars og Johanna, [[Anders Andersson Haugen (1809-1882)|Anders A. Haugen]] og Mari Tøgersdotter, vart òg gifte med kvarandre.

Johanna døydde i barselseng 5. juni 1838. Lars gifte seg deretter med Kirsti Pedersdotter frå Skildeim i Luster 28. juni 1842. 

Lars T. Kronen var sentral i bygdestyringa i fleire tiår og var ordførar to gonger. Han vart vald til viseordførar 14. januar 1845 og [[Ordførarar i Jostedal kommune|ordførar i Jostedalen]] som 38-åring 9. januar 1846. Den sitjande ordføraren, sokneprest [[Michael Sundt Tuchsen Fasting]], hadde då bede seg friteke frå ombodet etter å ha fått eit nytt prestekall. Lars Kronen vart dermed den andre gardbrukaren som hadde ordførarombodet i Jostedalen. Den fyrste var syskenbornet hans, [[Lars Rasmusson Faaberg]]. Då den ordinære toårige ordførarperioden var ute i januar 1847, fekk Lars Kronen avløysing av den nye soknepresten, [[Christian Bastholm Heltberg]] og heldt fram ein periode til som viseordførar.<ref>Jostedal kommune. Møtebok for formannskap og kommunestyre (1838-1875), fol. 26b, 32a, 38a ([http://www.sffarkiv.no/sffbasar/default.asp?p=result&db=dbdokarkivdokument&ptype=single&sql=LOWER%28signatur%29+LIKE+%27sffda%2D100064%25%27+ORDER+BY+signatur Digital utgåva], Fylkesarkivet i Sogn og Fjordane)</ref>

Lars Kronen var òg viseordførar 1857-61 og fekk på nytt vervet i februar 1867. Då hende det same som i 1845. Ordføraren, som sidan 1856 hadde vore sokneprest [[Ole Christian Rasch]], fekk eit nytt prestekall og sa frå seg ordførarombodet. Frå 24. oktober 1867 var Kronen fungerande ordførar, og han vart vald i det ordinære ordførarvalet 28. mars 1868. Denne gongen var han ordførar til brorsonen [[Rasmus Larsson Faaberg]] tok over vervet 13. januar 1870.<ref>Jostedal kommune. Møtebok for formannskap og kommunestyre (1838-1875), fol. 98b, 108b, 134a, 136a-b ([http://www.sffarkiv.no/sffbasar/default.asp?p=result&db=dbdokarkivdokument&ptype=single&sql=LOWER%28signatur%29+LIKE+%27sffda%2D100064%25%27+ORDER+BY+signatur Digital utgåva], Fylkesarkivet i Sogn og Fjordane)</ref> 

Sonen [[Tøger Larsson Kronen]] var seinare òg ordførar ein periode. Svigerfaren [[Anders Andersson Haugen]] hadde dessutan vore sentral i bygdestyringa i ei årrekkje tidlegare på 1800-talet.

Lars og Johanna fekk to born, og eitt av dei voks opp:
*Gjertrud Larsdotter (1838-1913), gift med gardbrukar og ordførar [[Rasmus Larsson Faaberg]] på Nedre Fåberg (1843-1922)

Lars og Kirsti fekk åtte born:
*[[Tøger Larsson Kronen]] (1843-1909), som fekk ta over heimebruket
*Peder Larsson (1844-1923), husmann på Øygarden under Kruna
*Johanna Kirstine (''Kirstina Larsdotter'') (1846-1923), gift og vart buande i Sogndalsfjøra
*Johanna Larsdotter (1848-1919), gift med gardbrukar Johannes Andersson på Grov
*Lars Larsson (1850-1935), husmann på Espestølen under Espe
*Martinus Larsson (1852-1921), ei tid gardbrukar på Bukve  i Mjølver
*Nils Larsson (1854-1887), gardbrukar på Kruna
*Christopher Nitter Larsson (1858-1932), landhandlar