Vis kilden til Niels Trønnes

<onlyinclude>{{thumb høyre|Niels Tronnes.jpg|Niels Trønnes. Samtidig portrett. Teiknaren er omtala som «løytnant Bloch».}}'''[[Niels Trønnes|Niels Halvorsen Trønnes]]''' (fødd i [[Stor-Elvdal kommune|Stor-Elvdal]] [[1. juli]] [[1821]], død på reise i [[Hedalen]] i [[Valdres]] [[22. juni]] [[1851]]) var filolog, folkeminnesamlar og arkivmann. 

Han var fødd og oppvaksen på garden Nystu Trønnes i Stor-Elvdal. Foreldra var [[Halvor Botolfsen Trønnes]] (1794-1875) og Kari Halvorsdotter frå Atnaosen (1798-1888). Niels var ein av i alt 13 sysken, nummer tre i rekka. Ein av brørne var juristen [[Peder Trønnes]].

Niels fekk artiumsførebuande skulegang ved [[Overlærer Møllers Institut]] i Christiania, og vart student med laud i 1840. Han tok til å studere juss, men gjekk sidan over til filologi (germanske oldspråk).</onlyinclude> 

Frå 1851 var han tilsett som assistent i [[Riksarkivet]].

Han fekk utgjeve ei avhandling om norske stad- og folkenamn i ''Norsk Tidsskrift for Videnskab og Litteratur'' i 1849. Han skal ha etterlate seg eit større filologisk arbeid, men manuskriptet har gått tapt i ettertid. Han var språkkonsulent på [[A.E.Vangs]] ''Gamla Reglo og Rispo ifraa Valdris'' (Christiania 1850), og arbeidde ved sin død på det eigne verket ''Sagn og Eventyr fra Valders''. Det var for å leggje siste hand på dette arbeidet at han drog på ei reise til Valdres i 1851, der han døydde undervegs og vart gravlagd på Hedalen kyrkjegard.

Det er framhalde at både Niels og Peder Trønnes kan ha vore medlemmer av foreininga [[Tollekniven]] i Christiania ca. 1850.