Vis kilden til Vik & Blindheim Møbelfabrikk

{{thumb|Muslingstolen2.jpg|Muslingstolen, dansk design, 1953. Produsent: Vik & Blindheim.}}
{{thumb|MøbelBilde2.jpg|Julehelsing frå Vik & Blindheim Møbelfabrikk i ei annonse i Sykkylsbladet 22. desember 1958.}}
'''[[Vik & Blindheim Møbelfabrikk]] AS''' var ein møbelfabrikk i [[Sykkylven]]. Bedrifta vart etablert av [[Karl K. Blindheim]] og [[Karl E. Vik]] i [[1941]]. Både Blindheim og Vik hadde røynsle frå møbelindustrien då dei kom i gang med eiga verksemd. Vik & Blindheim Møbelfabrikk vart starta opp i kjellaren til [[Edvard Vik]] i Helljegarden på [[Vik]]. I 1942 tok eigarane inn to medarbeidarar. Første tida hadde bedrifta berre stopningsarbeid.

Etter nokre år leigde dei seg inn i første høgda av fabrikken til [[L.K. Hjelle]], og frå 1947 hadde dei felles trevareavdeling med L.K. Hjelle i Treverkfabrikken. Same året bygde Vik & Blindheim eigen fabrikk, og i 1948 vart Treverkfabrikken lagt ned.

Vik & Blindheim selde ein stor dek av produksjonen sin i [[Austlandet|Austlandsområdet]]. I [[Oslo]] hadde dei ein agent som heitte Hassing, og han fylgde verksemda heile tida ho var i drift.

Bemanninga auka noko under krigen og i 1945 var talet på tilsette kome opp i ti. I 1948 stod det 12personar på lønningslista. Etter ei utviding av fabrikklokala gjorde talet på tilsette eit sprang oppover, og i 1949 var det 25 tilsette ved Vik & Blindheim. I 1955 var bedrifta på sitt største med 37 tilsette.

Under ei messe bedifta var med på i Danmark i 1953 kom leiinga i kontakt med nokre danske kolleger. Gjennom desse fekk dei lisens på produksjon av nokre danske møblar. Det var begrensa sal over landegrensene tidleg i 1950-åra, så det var ikkje noko trugsmål mot den danske produsenten at ei norsk bedrift fekk produsere modellane deira. Blant desse modellane var [[Muslingstolen]] som dei siste åra har vore omfatta med stor interesse av dei som er opptekne av retrodesign. I 2012 gjekk ein velhalden Muslingstol for 21000 kroner gjennom auksjonshuset Bukowskis.

Eksport var Vik & Blindheim lite involvert i dei 25 åra verksemda heldt det gåande. Men på ei eksportmesse i [[Stavanger]] fekk dei ein avtale med ein møbelhandlar frå Kuwait. Han ville ha levert ein serie av ein stol som Vik & Blindheim laga. Men møbelhandlaren ville ikkje ha trekk på stolane. Dei norske møbeltrekka var for lite raffinerte for arabiske kjøparar. I alt selde bedrifta fleire tusen stolar til Kuwait.

Ferdig utbygd var fabrikkbygget til Vik & Blindheim i tre etasjar. Det låg vegg i vegg med møbelfabrikken [[Solid]], som [[J.E. Ekornes Fabrikker AS]] tok over i 1959. Ekornes kjøpte også bygget til Vik & Blindheim etter at verksemda var lagt ned og fabrikkbygget vart til sals i 1967.