Vis kilden til Lesund bedehus

{{thumb|Lesund_bedehus.jpg|Lesund bedehus.|I. Bakk|2012}}
'''[[Lesund bedehus]]''', ''"Eben Eser"'' (hebraisk, tyder 'hjelpesteinen'), var eit kristeleg forsamlingshus på [[Lesund]] i [[Aure kommune]]. Huset er bygd i tre, og vart tidlegare bruka til kristeleg møteverksemd, basarar o.l. I desember [[2020]] vart huset seld til ein privat kjøpar. 


== Historikk ==

I [[1933]] gjorde årsmøtet i Lesund kristelege ungdomslag vedtak om at det skulle byggjast [[bedehus]] på Lesund. Tomt vart gjeve vederlagsfritt frå eigarane av garden [[Kiplesund]]; Hans og Guri Kiplesund.

I september [[1940]] tok den tyske okkupasjonsmakta over huset. Dei heldt til i huset til mars [[1945]]. Tyskarane betalte 50 kroner pr. månad i leige. Dei raserte mykje av inventaret i huset.

I [[1948]] vart det det halde ein møtekampanje på Lesund med [[Vekkelsespredikant|forkynnaren]] [[Marie (Megård) Sandblåst|Marie Megård]]. Møta vart halde dels i private heimar, dels på bedehuset. Etter fjorten dagar braut det ut ei [[Vekkelse|vekking]], der både [[Vekkjinga på Lesund i 1948|unge og eldre omvende seg til kristen tru]].

== Om huset ==

I reglane for bedehuset frå [[1937]] les vi mellom anna: "I huset må det ikkje vera dans, kortspel og teaterframsyningar, heller ikkje må det njotas rusdrykk". Og i paragraf 3: "Ukjende forkynnarar som reiser "fritt" og ikkje hev vitnemål frå prestar (...), fær ikkje halda møte i huset".

Til å byrja med var huset utstyrt med benker til sitjeplassar. I [[1969]] vart det gjort innkjøp av 60 stolar til bruk i storsalen. Same året fekk bedehuset eit trøorgel i gåve frå Borghild Kiplesund Røvik, og det gamle orgelet frå [[1948]] vart då bytta ut.

== Kjelder ==

*Protokoll for Lesund kristelege ungdomslag
*1. Samuelsbok, kap. 7, v. 12 
*Opplysningar frå Johannes Finset, Lesund

[[Kategori:Lesund]]
[[Kategori:Aure kommune]]
[[Kategori:Bedehus]]
[[Kategori:Bygninger fra 1930-åra]]
{{nn}}