Johan Henrik Lind
Johan Henrik Lind (fødd 1770 i Trondheim, død 18. juli 1819 i Hjartdal) vart utnemd til sokneprest i Jostedal prestegjeld 3. oktober 1800 og tok over prestekallet 15. mars 1801.[1] Lind og kona Anne Marie skipa i 1802 Linds legat til fattige i Jostedalen.[2] Lind var den fyrste soknepresten i Jostedalen som fekk ein biskop på visitas i bygda - Johan Nordahl Brun i 1806. Bispevisitasane vart til vanleg haldne i Dale kyrkje i Luster, som i 1802.[3]. I 1801 slo ei kongeleg forordning fast at det skulle haldast tiendforretningar i alle prestegjeld, og 12. mai 1802 vart det halde tiendforretning mellom Johan Henrik Lind og allmugen om prestetienda i det vesle og fattige prestegjeldet. Lind godtok der at smørtienda kunne betalast i pengar, noko etterfølgjaren Bernt Anker Leigh seinare kritiserte han skarpt for.[4]
Lind forlet Jostedalen våren 1807 etter at han 12. desember 1806 vart utnemnd til sokneprest i Hjartdal.
Notar
- ↑ Kallsboka, fol. 32b
- ↑ Om Linds legat i Norske stiftelser
- ↑ Bruns visitasdagbok 1802 og 1806
- ↑ Tiendforretninga 1802
Litteratur
- Kalds-Bog for Justedals Præstegjæld begyndt 1830, Kyrkjekontoret i Luster. (digital utgåve, Jostedal historielag)
- Lampe, Johan Fredrik. (1896). Bergens stifts biskoper og præster efter reformationen. Biografiske efterretninger. (Bd. 2). Kristiania: Cammermeyer. (digital utgåve, Digitalarkivet)
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune. (digital utgåve, NBdigital)
| Forgjengar: Ole Aabel |
Prestar i Jostedalen |
Etterfølgjar: Andreas Cordsen |