Aure gamle kommunehus
Kommunehus og butikk
Huset vart bygd i 1895, og var då kommunehus i Aure. Det var plassert like ved inngangen til Aure-tunellen i sentrum. I 1983 vart eit nytt kommunehus teke i bruk, og det gamle kommunehuset vart ei tid bruka til m.a. blomebutikk.
Flytting og restaurering
Statens vegvesen gav etter kvart pålegg om at huset måtte vekk frå si opphavlege plassering. I 2000 tok Aure kunstlag (no: Lånna kunst og handverkslag) kontakt med Aure kommune, og signaliserte at dei var interesserte i å ta over huset. I 2001 gav Aure kommune klarsignal for ei slik overtaking.
I 2002-2003 vart huset flytta over på ny tomt ved Aure prestegard. Kunst og handverkslaget restaurerte 1. høgda og den utvendige delen av huset. I mai 2010 stod huset igjen klar til bruk.
Huset i dag
I dag fungerar huset som lokale for Lånna kunst og handverkslag. Det vert arrangert kunstutstillingar med jamne mellomrom, samt laurdagskafè på somrane.