Ordførarar i Hornindal kommune
Dette er eit oversyn over ordførarar i Hornindal kommune i Sogn og Fjordane i dei periodane Hornindal har vore eigen kommune.
Kommunedelingar og samanslåing
Hornindal sokn var med i Eid prestegjeld då kommunane vart skipa med formannskapslovene i 1837. Hornindal vart utskild som eigen kommune frå 1.1.1867, halvtanna år etter at soknet var utskild som eige prestegjeld (sjå Prestar i Hornindal).
Med den nye kommuneinndelinga etter Schei-komiteen vart Hornindal delt slik at den vestlege delen gjekk til Eid kommune (området vestover frå og med Navelsaker og Holmøyvik) medan den austlege delen gjekk til Stryn kommune.
Samanslåinga vekte så sterk motstand at Stryn vart ein av 13 kommunar som vart delt att. Hornindal vart såleis gjenoppretta som eigen kommune frå 1.1.1977, men berre den delen som vart lagd til Stryn i 1965.
Ordførarar i Hornindal 1867-1964
| År | Namn | Yrke | Merknad |
|---|---|---|---|
| 1867-1885 | Knut Kirkhorn | Kyrkjesongar | |
| 1885-1887 | Rasmus Rognnes | Lærar | |
| 1888-1902 | Amund Tomasgard | Bonde | |
| 1902-1913 | Ola R. Svor | Bonde | |
| 1914-1916 | Anton Johnson | Sokneprest | |
| 1917-1919 | Ola R. Svor | Bonde | |
| 1920-1922 | Lars N. Gausemel | Bonde | |
| 1923-1925 | Paul K. Kirkhorn | Bonde | |
| 1926-1928 | Lars N. Gausemel | Bonde | |
| 1929-1940 | Jakob Gausemel | Løytnant | |
| 1940-1942 | Ivar Melheim | Bonde og entreprenør | |
| 1942-1945 | Oliver Fagerheim | Småbrukar | Oppnemnd av NS |
| 1945-1955 | Ivar Melheim | Bonde og entreprenør | |
| 1956-1964 | Kåre Maurset | Lærar og småbrukar |
Ordførarar i Hornindal sidan 1977
| År | Namn | Yrke | Parti |
|---|---|---|---|
| 1977 | Kåre Maurset | Lærar og småbrukar | Samlingsliste |
| 1978-1981 | Paul O. Tomasgard | Lærar | Senterpartiet |
| 1982-1983 | Rasmus Otterdal | Lærar | Høgre |
| 1984-1987 | Atle Tomasgard | Lærar | Venstre |
| 1988-1991 | Jon Indredavik | Jordstyreteknikar | Arbeidarpartiet |
| 1993-1999 | Ola Are Ytrehorn | Rekneskapsførar | Senterpartiet |
| 1999-2009 | Bjørn Lødemel | Kjøpmann | Høgre |
| 2009-2011 | Edvin Haugen | Møbelsnikkar | Høgre |
| 2011- | Anne-Britt Øen Nygård | Førstekonsulent | Senterpartiet |
Kjelder
- Ordførarar i Hornindal kommune (Fylkesleksikon, NRK Sogn og Fjordane)
- Juvkam, Dag: Historisk oversikt over endringer i kommune- og fylkesinndelingen, Statistisk sentralbyrå, Oslo 1999.