Fangstanlegg ved Gravranden, Lesja

Ved Gravranden på fjellet ovanfor Lesjaskog finst eit tydeleg fangstanlegg for villrein.

Gravranden er ein avlang markant haug («rande» i lokaldialekten) orientert tilnærma vest-aust. Det syner ein tydeleg sti etter reinstrekket mellom haugen og ei lita tjønn, som avgrensa området og freista dei gamle fangstfolka til å bygge eit fangstanlegg her.

Anlegget er kartlagt av Øystein Mølmen (1979).

Litteratur

• Mølmen, Øystein 1979: Villreinen i Snøhetta-feltet. En registrering av fortidsminner etter den gamle villreinfangsten, reinens bruk av feltet, trekkveier, kalvingsområder, historikk m. v. NVE, Statskraftverkene. Digital versjon på Nettbiblioteket
• Mølmen, Øystein 1986: Jakt og fangst i Lesja. Frå dyregrav til gevær. Lesja kommune. Hovudutvalet for kultur og fritid. Digital versjon på Nettbiblioteket