Vallarvegen

Vallarvegen sett nordover ved Lakshøl Bruk.

Foto: Roy Olsen (2018).

Vallarvegen (E134) i Seljord kommune går nordover frå Bygdaråvegen i krysset med Manheimstrondi ved Bjørge og fylgjer Vallaråi på austsida til Mælefjelltunnelen. Dette var tidlegare den søndre delen av Flatdalsvegen.

Vegen er 4 km lang fram til tunnelen, og 11 km lang til kommunegrensa inne i tunnelen. Han har namn etter staden Vallar som ligg nær startpunktet ved Bjørge.

Anleggsarbeidet med den 9,3 km lange Mælefjelltunnelen mellom Århusmoen i Seljord og Gvammen i Hjartdal starta opp i april 2013, og den 19. desember 2019 vart han opna for trafikk. Totalkostnad var 2 milliardar kroner.

Kjelder

• Kartverket, norgeskart.no
• Wikipedia: Mælefjelltunnelen.