B. Grebstad Møbelverksted

B. Grebstad Møbelverksted var ei trevareverksemd i Sykkylven som kom i gang i 1952. Då byrja Bernhard Grebstad å lage skatoll. I 1955 bygde han ein trevareverkstad på farsgarden på Grebstad. I produksjonen hadde han hjelp av bror sin, Petter Grebstad, som var polerar.

Bernhard Grebstad gjekk litt seinare over til å lage kjøkkeninnreiingar. Han dreiv denne verksemda til fram i mot 1970, då dei ferdiglaga kjøkkeninnreiingane heilt tok over marknaden. Grebstad tok seg då arbeid på fabrikk.

Kjelde

• Høidal, Eldar: Industrisoge for Sykkylven. Sykkylven 1990. Digital versjon på Nettbiblioteket