Dale krins (Hyllestad)

Dale krins i Hyllestad kommune vart eigen krins i 1872 og dekka Systad, Buvik, Markhus, Alefjell, Øvreås, Ytre/Indre Dale og Tonning. Dette område var i perioden frå 1861 til 1872 delt mellom to ulike krinsar: Ein som dekka Akse, Birkeland, Sætre, Systad, Buvik, Eide, Ytre/Indre Dale, Tonning, Løland, Nes og Espeland, og ein som dekka Øvrås, Markhus, Alefjell, Ytre og Indre Skor, Solås, Røstenskar.

I 1924 vart Løland, Birkeland og Dale slått saman til Åfjorddalen krins.

I 1890 kom skulestyret med framlegg om felles skulestad for 5. til 7. klassingane frå Birkeland, Dale og Løland i Eidsneset. Dette vart motteke med store protestar og skulestyret trakk forslaget.

Skulehus

I 1861 vart det halde skule i ei rodestove på Systad for alle borna frå Akse, Birkeland, Sætre, Systad, Buvik, Eide, Ytre Dale, Indre Dale og Tonning. Frå 1863 vart skulen lagt til ei stove på Eide i Eidsneset.

I 1924/25 vart krinsen slått saman med Birkeland og Løland og desse fekk nytt skulehus: Åfjorddalen skule.

Lærarar

Etternamn	Fornamn	Føydd	Skule	Tilsett år	Slutta år	Utdanning frå	Merknad
Løland	Ole Bendik	1850	Løland//Dale/Åfjorddalen	1875		Stord Seminar og Balestrand lærerskole
Lybakk	Ole Rasmus		Dale	1880			Tok over i Dale krins etter Ole Bendik Løland når han vart flytta til Løland krins
Eide	Andreas A.		Løland, Birkeland og Dale			Nynorskmann, forsvann brått frå lærarjobben og frå Hyllestad

Kjelder og litteratur

Prenta kjelder

• Ingemar Nordstrand (2009) Gamal og beisk skulestrid i Lølandsgrenda. Sogeskrift frå Hyllestad 2009.
• Sogn og Fjordane fylkesarkiv:
  • Kommunestyreprotokollar 1861-1926
  • Skulestyreprotokollar 1861-1926
  • Krinsprotokollar Løland, Dale og Birkeland krinsar