Florø krins
Florø krins var einaste skulen i Florø ladested. Skulen har hatt tre skulebygg, der det tredje skulehuset, bygd 1934, er framleis i bruk i dag.
Florø ladested bestod av innmarka til dei to gardane Øvre Florø (prestegarden) og Nedre Florø. Byområdet strakte seg frå Gaddevågen i aust til kring 40 meter forbi moloen som i si tid vart bygd mellom Fugleskjera og fastlandet. Området hadde ei lengd på kring 1,5 km og utgjorde 720 mål. Skulekrinsen favna om same område.
Første skulehuset vart bygd midt i krinsen i 1866 og står framleis i dag, Malkeneshuset. Etter kvart vart det første skulehuset for lite og eit nytt skulehus med to etasjar vart sett opp like ved det gamle skulehuset i 1890 (der sjukehuset står i dag). 3. desember 1918 tok det til å brenne i skulehuset i skuletida, det var med nød og neppe at elevar og lærarar redda seg ut i tide. Kommunen tok opp lån og byrja arbeidet med å setje opp ein ny skule på branntomta. Kostnadane vart for høge og dei kom aldri lenger enn grunnmuren. Florø fekk ikkje nytt skulehus før i 1934. I mellomtida måtte skulen ut på leige. Det vart innreidd fire klasserom i rådhuset, men i 1922 braut det også ut brann der. Vidare vart det leigd skulerom i fleire hus, blant anna den gamle tingstova, losjelokalet Breidablikk og Bedehuset i Markegata.
Skuleveg
Florø skulekrins favna om same området som Florø ladested. Alle tre skulehusa vart plassert i same område, omtrent midt i krinsen. Dette gav korte skulevegar på under 1 km for skulelevane i krinsen.
Skulehus
Malkeneshuset
- Byggeår: 1866
- Fungerte som skule: 1866-1890
- Anna bruksområde: Har vore i privat eige i Malkenes-slekta sidan 1890.
Florø folkeskole (skulen som brann)
- Byggeår: 1890
- Fungerte som skule: 1890-1918
- Anna bruksområde: Skulehuset brann ned 13. desember 1918
Florø folkeskole
- Byggeår: 1934
- Fungerte som skule: 1934 -
- Anna bruksområde: Fungerer framleis som skule.
Lærarar
| Etternamn | Fornamn | Fødd | Skule | Tilsett år | Slutta år | Utdanning frå | Merknad |
|---|---|---|---|---|---|---|---|
| Løland | Tokhil | 1858 | Florø | 1890 | Flytta til Bergen folkeskole 1892 | ||
| Sørensen | Jon | 1868 | Florø | 1892 | |||
| Dale | Anders S. | 1850 | Florø | 1886 | |||
| Fischer | Elisa | 1842 | Florø | 1874 | Privatundervisning | ||
| Elleraas | Andreas K. | 1868 | Florø | 1896 | Seminar Klæbo middelskole | ||
| Hole | Elias M. | 1854 | Florø | 1900 | Stord lærerskole | ||
| Ugletvedt | Anna D. | 1876 | Florø | 1898 | Seminar Bergen middelskole |
Foto
Kjelder og litteratur
Prenta kjelder
- Lothe, Anders A. (1971) Skulesoga i Kinn prestegjeld gjenom hundrad år 1762-1860. Flora sogenemnd.
- Stavang, Harald J. (1999) Flora, kulturhistorisk vegvisar.