Heggebø/Leirvik krins

Heggebø/Leirvik krins i Hyllestad kommune var i 1861 ein del av krins nr 14 med Handal, Ås, Foss, Stigestrand, Leirvik, Indre-Ytre Bø, Løvås, Haukås, Hatleli, Lonebotn, Heggebø, Djupevik, Bråstad, Tveit og Brendesdal. Året etter, i 1862, vart Tveit og Brendsdal delvis lausrive med seks veker heimeundervisning og fire veker i Heggebø. I 1864 vart krinsen delt og det som var igjen i Heggebø krins var Ruskedal, Ytre Bø, Indre Bø, Leirvik, Heggebø og Bråstad.

Leirvik, Hyllestad kommune

Foto: Foto: Sigrun Espe/Sogn og Fjordane fylkeskommune

Handal var eigen krins frå 1864 til 1884 og dekka Handal, Aas, Foss, Løvås, Lien og Loneboten.

I 1884 vart det bygd felles skulehus for Heggebø og Handal og krinsane vart slått saman. Skulehuset vart flytta til Leirvik i 1909, og krinsen vart etter kvart heitande Leirvik krins.

I 1990 dekka Leirvik krins Brendsdal, Handal, Foss, Indrefjord og Sågnes og hadde skulehus i Leirvik.

Skulehus

Heggebø skule

• Byggeår: 1884/85
• Fungerte som skule: 1885-
• Anna bruksområde: Flytta skulehuset til Leirvik i 1907.

Leirvik skule

• Byggeår: 1958-60
• Fungerte som skule: 1960-2002
• Anna bruksområde: Asylmottak (frå 2015)

Skuledagen

Einar Wolff og Asbjørn Wolff hadde i 1947/48 som arbeid å fyre opp i klasserommet om morgonen ein time før skulen begynte. Vi gjekk kvar vår morgon for å fyre. Når skulen var slutt sette vi vatn på koking i kjellaren, gjekk heim og åt middag for å komme att å vaska. I byrjinga hadde ikkje dei vaksne trua på at vi gutane skulle klare dette, men på slutten av året fekk vi skryt for godt gjennomført arbeid av krinsformannen.

Skulevegen

Einar Wolff fortel om skulevegen sin under krigen. Tyskarane hadde tatt skulen så vi måtte gå på skule på Heggebøen i bustadhuset til lærar Olav Førsund. Vi måtte gå opp Handalsveien, opp til majorgjerdet og over til Heggebø. Vi fekk ikkje lov til å gå vegen sidan tyskarane hadde bunkers på Øykjeneset. Siste året av krigen fekk vi lov til å gå langs med fjorden under Arefjellet (rundt Øykjeneset) til Heggebø, der vegen gjekk.

Lærarar

Etternamn	Fornamn	Føydd	Skule	Tilsett år	Slutta år	Utdanning frå	Merknad
Bruknapp	Gerd		Leirvik skule	1962
Ringstad	Anders Andersen		Heggebø skule	1885		Stord lærerskole	Rektor
Aas	Sverre		Leirvik skule	1952
Aas	Bergljot		Leirvik skule	1963
Bernhoft-Osa	Th		Leirvik skule	1964
Hagevik/Handal	Sigrun		Leirvik skule	1972	1985
Furre	Harald		Leirvik skule	1964
Handal	Lillian		Leirvik skule	1971	1972
Hansen	Bjarne		Leirvik skule	1966	1972
Kolgrov	Solveig		Leirvik skule
Moe	Jan Kåre		Leirvik skule	1985	1987
Sognnes	Ingeborg		Leirvik skule
Wolff	Kari		Leirvik skule	1965	1969
Førsund	Olav		Leirvik skule	1926	1952

Foto

• Bilete av garden Heggebø teke like før eller under eit av dei fyrste krigsåra. Personane er Olav Førsund med kona Ragnhild og dei tre yngste borna. Fotograf: Ragnar Førsund. Tilbydar: Ragnhild Sognnæs / Fylkesarkivet i Sogn og Fjordane, fotoavdelinga
• Sløydtime med lærar Olav Førsund (ca 1935). Seks unge gutar 'i fullt arbeid', tre lagar krakk, to ski og ein steller i stand ei spekefjøl. Fotograf: Bjarne Råsberg. Tilbydar: Hyllestad kommune/ Fylkesarkivet i Sogn og Fjordane, fotoavdelinga
• Handarbeidstime ved Leirvik skule omlag 1938. Dei ni jentene 'i fullt arbeid' med å sy. Lærar er Solveig Kolgrov. Fotograf: Bjarne Råsberg. Tilbydar: Hyllestad kommune/ Fylkesarkivet i Sogn og Fjordane, fotoavdelinga
• Leirvik Skulemusikk fotografert i 1966. Harald Furre var dirigent. Han kom til Leirvik som lærar i 1965, og starta opp Leirvik Skulemusikk, som var det første korpset i kommunen. Fotograf: ukjend. Tilbydar: Ragnhild Sognnæs / Fylkesarkivet i Sogn og Fjordane, fotoavdelinga
• Olav Førsund (f.1887). Olav Førsund kom frå Førsund i Høyanger kommune og flytta til Leirvik som lærar i 1926. I 1929 kjøpte han garden på dødsbuauksjon, og var lærar i Leirvik til han gjekk av med pensjon. Han starta også sangkor i Leirvik. Han var gift med Ragnhild Ruud frå Eiker. Fotograf: ukjend. Tilbydar: Ragnhild Sognnæs / Fylkesarkivet i Sogn og Fjordane, fotoavdelinga
• Truleg 3 - 4. klasse ved Leirvik skule ca. 1957. Lærar var Sverre Aas. Fotograf: ukjend. Tilbydar: Lillian Haukås / Fylkesarkivet i Sogn og Fjordane, fotoavdelinga

Kjelder og litteratur

Prenta kjelder

• Heim og skule Nr. 3 Oktober 1960
• Møtebok Heggebø krins 1890-1945, Fylkesarkivet i Sogn og Fjordane

Digitale kjelder

• Skular i Hyllestad, Allkunne.no

Ikkje-prenta kjelder

Einar Wolff