Johannes Grov
Johannes Grov (fødd 13. oktober 1899, død 23. september 1969) var gardbrukar og ordførar i Jostedalen i Sogn og Fjordane.
Han voks opp på Grov (bnr. 1) som nest eldste son av Anders Johannesson Grov (1870-1957) og Gjørond Johnsdotter Snøtun (1875-1963). Johannes Grov gifte seg 26.1.1933 med Maria Johnsdotter Grov (1911-1994) frå nabobruket på Grov (bnr. 2). Dei tok over husmannsplassen Leitehaugen under heimebruket hans i 1934, og i 1939 vart plassen utskild som bnr. 5 Leitehaugen (skøyte 18.1.1941). Han dreiv bruket levetida ut.
Johannes Grov var ordførar i Jostedalen for Arbeidarpartiet i to omgangar, fyrst 1948-51 og deretter 1956-1962. Han vart såleis den siste ordføraren i Jostedal kommune. Etter kommunesamanslåinga til nye Luster kommune 1.1.1963 var Johannes Grov varaordførar fram til kommunevalet hausten 1963 og sat i formannskapet og kommunestyret til 1967.
Kjelder og litteratur
- Øyane, Lars E. (1994). Jostedal sokn. Gards- og ættesoge for Luster kommune. (Bd. 5). Gaupne: Luster kommune, s. 866, 870 og 877. (Digital utgåve, NBdigital)
- Folketeljinga 1910 for Jostedalen
- Kommunearkivet til Luster kommune, protokollar for formannskapet 1962-63 og valstyret 1962-69.
Eksterne lenkjer
| Forgjengar: Kristen Bakken |
Ordførarar i Jostedal kommune |
Etterfølgjar: Hallvard Hesjevoll |
| Forgjengar: Hallvard Hesjevoll |
Ordførarar i Jostedal kommune |
Etterfølgjar: Ingen (kommunesamanslåing) |