Ketil Skogens veg

Ketil Skogens veg på Gvarv i Midt-Telemark kommune går sørover frå Gvarvgata mot Gvarv brygge og med ei grein austover til Skrivarvegen. Han er om lag 350 meter lang.

Ketil Skogens veg sett nordover frå Gvarv brygge.

Foto: Roy Olsen (2017).

Vegen, som ligg i Skrivargrenda, er kalla opp etter juristen, politikaren og målmannen Ketil Skogen (1884–1970), og blei namnsett i 1999.

Ketil Skogen var sakførar i Sauherad 1910–1914 og 1916–1936, sorenskrivar i Vest-Telemark 1936–54 og fast forsvarar ved Nedre Telemark heradsrett 1917–1942, og frå 1945. Han satt i Sauherad kommunestyre 1910–1913 og var varaordførar 1919–1922. Stortingsrepresentant for Venstre i Telemark var han i to periodar 1925–1927 og 1946–1950. Ved Gvarv stasjon står ei byste av Skogen.

Kjelder

• Kartverket, norgeskart.no
• Biografi: Skogen, Ketil - Stortinget.
• Ketil Skogen - Allkunne.