Rallevegen

Rallevegen i Bø i Midt-Telemark kommune tar av nordover frå Valenvegen ved Langkås. Han passerer gjennom sandtaket og fabrikkområdet til «Systemblokk» og følgjer Hørteåa på vestsida til den ender i Vatnarvegen ved Høgfoss. Rallevegen blei kommunal i 1985. Han er omlag 5 kilometer lang og går fyrst gjennom jordbrukslandskap, sidan skog. I 2012 blei dei fyrste 300 meterane av vegen lagt om med innkjøyring 130 meter lenger aust på Valenvegen.

Rallevegen sett nordover frå Langkås.

Foto: Roy Olsen (2017).

Vegen har namn etter Småbruket Ralle og blei namnsett i 1988.

Ralle ligg omlag midtveges mellom Askilt og Ølsbru. Ei tid på 1800-talet var det mange plassar her, og dei kalla den vesle grenda for Ralleamtet fordi Ralle var sjølvstendig eigedom og den sentrale staden i området. Opphaveleg var Ralle husmannsplass under nordre Askilt, og er den eldste av alle plassane her oppe.

Eigedomar

• Nr. 13: Langkås (gnr. 3/7)
• Nr. 56: Askiltrud (gnr. 2/1)
• Nr. 126, 128: Høgemo (gnr. 2/7)
• Nr. 164: Skrubbemyra, «Systemblokk», produsent av prefabrikkerte betongelementer
• Nr. 211: Ralle (gnr. 1/5)
• Nr. 259: Kåsa (Tamburkåsa) (gnr. 2/4)
• Nr. 313: Hegna (gnr. 1/8)

Kjelder

• Kartverket, norgeskart.no
• Bøsoga, Gards- og ættesoga band IV ved Stian Henneseid. Bø kommune 1986, s. 52.