Brukersamtale:Ikabjorn: Forskjell mellom sideversjoner

Hei. Moro å få respons! Og imponerande å sjå det gode arbeidet dykkar. Eg har førebels prioritert å skrive om den heilt overordna "administrasjonshistoria" til skulane, men har eigentleg lyst til å skrive litt tematisk breiare. Samstundes er det kanskje von om at andre kan fylle ut meir seinare. Me har mange skular og har tenkt at det kan vera ein føremon å få ein kort oversikt over så mange av dei så snøgt som råd. Takk for gode og spanande tips!  

Eg har vore litt i stuss om eg skal nytte wikipedia eller lokalhistoriewiki, samt om eg skal nytte samleartiklar. I kommunar, som Hol, med utruleg mange små grendeskular har eg til no laga ei samleside, sidan eg ikkje har mykje informasjon om kvar einskild skule. Eg har òg vore i tvil om artikkelnamnet, t.d. om eg skulle skrive "Skulehistorie i Hol" eller "Skulane i Hol"... På eitt vis kunne det vera freistande å skrive t.d. "Skulane i Ål", for då kunne eg kort nemne òg lokal folkehøgskule, landbrukshøgskule og ein vgs. Samstundes ville dette truleg verte for uryddig pga. blandinga av skular av kommunal, fylkeskommunal og privat art? Det kan nok vera lurt å halde seg til eit forvaltningsnivå om gongen, kanskje. Har du nokon synspunkt på dei problematikkane eg her tek opp?