Bygdaråvegen

Bygdaråvegen sett nordaustover frå brua i enden av Nyveg.

Foto: Roy Olsen (2018).

Bygdaråvegen i Seljord kommune er ein del av E134 og går sørvestover frå krysset med Manheimstrondi og Vallarvegen (tidlegare søndre del av Flatdalsvegen) til Kviteseid kommunegrense der han held fram som Brunkebergvegen.

Vegen er 6 620 m lang og har namn etter elva Bygdaråi som han følgjer på nordsida fram til vegkrysset med Nordbygdivegen. Her kryssar han elva og fortsett sør for denne fram til kommunegrensa. Langs denne strekninga er det anlagt gang- og sykkelveg.

Den 20. oktober 1993 opna nyvegen, vegstrekninga frå Bjørge til Li i Nordbygdi. Riksveg 11 vart lagt utanom sentrum, og den tidlegare traseen der med Brøløsvegen og Nordbygdivegen vart nedgradert til lokalveg. Riksveg 11 fekk europavegstatus og vart E134 i 2000.

Kjelder

• Kartverket, norgeskart.no
• Vedtak i Plan, miljø og teknisk utval 12.06.2019, PS 28/19.
• Varden 20. oktober 1993.
• Wikipedia: Europaveg 134.