Giovanno (Johan) Basso: Forskjell mellom sideversjoner

<onlyinclude>{{thumb|Basso.jpg|Giovanno (Johan) Basso|Mathias P. Lien}}'''[[Giovanno (Johan) Basso]]''' var fødd kring 1838 i [[Italia]] og døydde 30. januar 1913 i [[Lesja]]. Giovanno Basso kom til Lesja som «ein framand fugl» ein gong før 1890 og tok inn hos ei ugift plassjente, Guri Bjertesd. på [[Plassbakken]] eller [[Røst]] i ålmennningsområdet [[Åsen]] mellom [[Avdem]] og [[Lyftingmo]]. I bygda vart fornamnet hans fornorska til Johan. Hans og Guri budde saman utan å vere gift, noko som skal ha vore til ein viss irritasjon i bygda.

Etter bygdetradisjonen hadde Giovanno vore soldat i den italienske hæren. Han skal ha kjempa i det verdskjente, blodige [http://no.wikipedia.org/wiki/Slaget_ved_Solferino slaget ved Solferino] i 1859. Da han kom heim, fann han kvinna si saman med ein annan mann. Dermed reiste han heimanfrå og flakka rundt i Europa. Han var mellom anna i Russland, og livberga seg med å spele på lirekasse, til han kom til Lesja og slo seg ned her. Bildet av han syner òg lirekassa.</onlyinclude>

Første gong vi finn Basso knytt til Lesja er i [http://www.rhd.uit.no/folketellinger/ftliste1891.aspx?knr=0512&kenr=005&bnr=0032&lnr=00 folketeljinga 1891]. Basso var katolikk i følgje [http://digitalarkivet.uib.no/cgi-win/WebCens.exe?slag=visbase&sidenr=2&filnamn=f00512&gardpostnr=343&personpostnr=1913&merk=1913#ovre folketeljinga 1900]. Som vi ser varierer fødselsåret han frå 1838 i 1891 til 1865 i 1900 . Det siste må vere heilt feil. I kyrkjeboka ved dødsfallet i 1913 står det 1829, men vanleg kjeldekritikk tilseier at 1838 nok er det mest sannsynlege.

*[[Bruker:Arnfinn_Kjelland|Kjelland, Arnfinn]] 1992: ''[[Bygdebok for Lesja]] bd. 2. Gards- og slektshistorie for nørdre del av Lesja hovudsokn'' s. 528f.