Hendingar i Lesja 9. april - 2. mai 1940: Forskjell mellom sideversjoner

<onlyinclude>Desse knapt tre vekene var relativt dramatiske i Lesja. Nokre dagar etter krigsutbrotet vart [[Møre infanteriregiment nr 11 under andre verdenskrig|mange hundre soldatar frå Møre]] transportert gjennom bygda med tog og kom i kamp med tyske elitesoldatar som vart sleppt i fallskjerm to stader i bygda. Etter kvart begynte tyske fly å sleppe bomber langs riksvegen og jernbanen, meir og meir intensivt. Engelske troppestyrkar vart sendt igjennom bygda sørover mot fronten på Hedemarken og i Gudbrandsdalen. På Lesjaskogsvatnet vart ein heil flyplass rydda for engelske jagarfly, men nesten alle flya vart øydelagde. Kongen, kronprinsen og regjeringa flykta gjennom bygda mot Romsdalen og etter kvart gjorde òg tusenvis av norske og engelske soldatar det same under stadige flybombing fram til det heile stilna av kring 1. mai og dei tyske soldatane hadde full kontroll.</onlyinclude>

* div: [[divisjon]], der 2. div. hadde ansvaret for heile Austlandet medrekna Lesja, og 5. div. for [[Romsdalen]].

* IR: [[infanteriregiment]], der nummeret viser til kva region soldatane kom frå: IR 11: Romsdalen og [[Sunnmøre]], IR 5: Austoppland, IR 12 Sør-Trøndelag og Nordmøre. IR 11 hadde i store delar av perioden ansvaret for vakthald og sikring i Lesja.

Kaptein og ordførar John Botheim, kompanisjef i IR 5, drog til mobiliseringsstaden sin, [[Terningmoen]] ved [[Elverum]].<ref>Amundgård s. 1</ref>

Fleire lesjingar mobiliserte, m.a. Jonas Skotte, Sigurd Skarphol, Gunnar J. Bøe, Ola S. Bøe, Kristian Bøe, Tor Selsjord, Otto Sveen, Johan Bjøkne, John Sørumgård og Reidar Mølmen. På Lesjaskog gjekk 10-15 mann bruvakter. Dei tok buss ned til Setnesmoen for å få våpen og ammunisjon. Dei fekk gamle Krag-Jørgensengevær og 30 skott kvar.<ref>Amundgård s. 1, ''[[Årsskrift for Lesja historielag]]'' 1990 s. 22-33, [[Årbok for Gudbrandsdalen]] 1995 s. 14.</ref>

[[Møre_infanteriregiment_nr_11_under_andre_verdenskrig#Utgruppering_av_bn_II_.28Navelsaker.29_p.C3.A5_Domb.C3.A5s_13._april|Andre feltbataljon av IR 11 (Navelsaker) passerte Lesja]] på veg mot Dombås seint om kvelden (kom til Dombås kl 23.00).

Statsminister Johan Nygaardsvold og ein del av regjeringa kom frå HOK i Øyer til Lesjaverk om kvelden og overnatta på [[Verket (Lesja)|Verket]].<ref>Munthe-Kaas s. 25ff.</ref> Seinare på natta kom ei gruppe av adminstrasjonsfolk etter og vart innlosjert same stad. <ref>Lehmkuhl s. 56f.</ref>

Statsminister [[Johan Nygaardsvold]] og delar av regjeringa returnerte frå Lesjaverk til Otta og passerte Dombås berre fem timar før [[Møre_infanteriregiment_nr_11_under_andre_verdenskrig#Kamp_mot_dei_tyske_fallskjermjegrane_p.C3.A5_Domb.C3.A5s_14._-_19._april|det tyske fallskjermangrepet mot Dombås]] om kvelden mellom kl 18.00 og 19.00.<ref>Munthe-Kaas s. 25ff.</ref> Administrasjonen vart att på Verket til seint på kvelden, da dei drog vestover til hotellet på [[Stuguflotten]] og innlosjerte seg der.<ref>Lemkuhl kap.5.</ref>

Ei gruppe av dei tyske fallskjermsoldatane landa på Hosetmoen og ei ved Slådalsvegen. Begge desse gruppene var på 24 mann iflg. rapportane frå felttoget. Ein styrke på ca 40 soldatar frå IR 11 på Dombås under kommando av fenrik Lars Hofseth frå Vestnes rykte ut for å nedkjempe desse da mørkret var i ferd med å falle på. Ved Bottheim stasjon møtte dei bygdefolk som fortalde om tyskarane på sørsida av dalen, og Hofseth sette da att halvparten for å oppklare mot desse. Sjølv heldt han fram med 17 mann mot den andre gruppa og kom i eldkamp med dei kring midnatt. Ein tysk obergefreiter vart drepen her.<ref>Hofseth s. 1f.</ref>

Bn 1 av IR 11 var ferdig oppsett på Setnesmoen frå kl 1400 og utover. Total styrke var 811 mann. Dei fekk ca kl 2100 melding om det tyske fallskjermangrepet på Dombås, og kp 2 under kaptein Andreas Hagaas vart sendt oppover til Bjorli og Lesjaverk seint om kvelden.<ref>Juel s. 2.</ref>