Husbond: Forskjell mellom sideversjoner

'''[[Husbonde]]''' eller husbond (fleirtal husbondar eller husbønder. av gammalnorsk húsbóndi) ei (historisk) nemning for ein (manns)person som er overhovud for eit hushald, og som såvoren tillagd nærare bestemte rettar, plikter og ansvar overfor kone og born, tenestefolk og evt. andre som har vore definert innanfor hushaldet. Kva som formelt og uformelt har vore rekna inn under husbondens makt og mynde, har variert historisk og sosialt. I eldre tid var det lovregulert og elles bestemt av sedvane og formulert for eksempel i religiøs litteratur. Eit innverknadsrikt døme på det siste er [[Leksikon:Hustavlen|hustavla]] som er med i ein del utgåver av Luthers katekisme.

Tilnærma synonymt med husbond er husfar (''pater familias'') og husherre. Husbond har også vore brukt som nemning for ektemann. Det bibelske patriark kan med god rett omsetjast med husbond.

Under meir eller mindre føydale samfunnsformer kan husbond jamførast med andre språks ''seigneur'', ''lord'', ''patron'', ''Gutherr'' osv, der (adelege) godseigarar  har rekna leiglendingsbønder, husmenn og andre av godsets tilhøyrande folk inn under sitt utvida hushald og herrevelde.  Det fremste historiske uttrykket for slik bruk i norsk samanheng er at det norske [[riksrådet]] i 1388 valde dronning [[Margrete]] til rikets «mektige frue og rette husbond». Den danske føydalavgifta [[husbondshold]], i mindre utstrekning også innført i Noreg, var eit merke på at jorddrottens mynde over bønder og husmenn hadde karakter av å vere eit husbondsforhold.