Illustrerte trykk frå Egset i Volda: Forskjell mellom sideversjoner

I 1809 etablerte [[Sivert Aarflot]] (1759-1817) eige trykkeri på garden [[Nedre Ekset (Volda gnr 13/1)|Ekset]] i Volda. Han hadde då frå 1803 gitt ut fleire skrift, særleg om god gardsdrift. Desse fekk han trykt i [[Bergen]] og i [[København]]. Å sitje som utgjevar av slike trykk så langt frå trykkeriet var både tungvint og dyrt. Aarflot søkte derfor Kongen om å få etablere eige trykkeri. Løyve frå Kongen kom i juli 1808. Starks kjøpte Aarflot inn dei typane han trong for å trykke, og ei primitiv, men tenleg, pressa vart snekra og montert i den gamle røykstova på garden. Dette trykkeriet vart det femte i Norge, med trykksaker frå 1809. Sivert Arflot hadde også planar om å gi ut eiga avis. Desse planane blei realiserte med Landboebladet, frå 1810. Dette var då den første avisa som vart gitt ut på landsbygda i Norge, og den sjuande avisa i det heile i Norge.

{{thumb|Kalkunen.jpg|Kalkunen. Kjelde: Sigurd Heiestad: ''Bildet i Boken'' (1945).}}Det første illustrerte trykket  på Ekset vart laga av son til Sivert Aarflot, Rasmus, i 1810. Men då det skulle lagast mange illustrasjonar til nye trykksaker, vart dei to ungdommane Ola og Sjur Humberset frå Volda leigde inn. Sjur var då 19 år, Ola 25. Det første store arbeidet deira var  lage illustrasjonar til ein ABC,  «[[Kjeldearkiv:Billed-ABC-Bog for gode Børn|Billed-ABC-Bog for gode Børn]]» (1813).  Kvar bokstav blir her illustrert, for det meste, med bilde av ulike dyr. Dyra er oftast teikna inn i eit miljø. Dette må ha vore ei uhyre krevjande oppgåve for dei uøvde gutane å utføre skjeringa av desse klisjeane. Men resultatet var godt tenleg for formålet.

[[Kategori:Trykking]]