Jostedal kyrkje: Forskjell mellom sideversjoner

'''[[Jostedal kyrkje]]''' står ved Jostedøla i [[Jostedal|Jostedalen]] i [[Luster kommune]] i [[Sogn og Fjordane]]. Det er ei [[langkyrkje]] i tre som stod ferdig i [[1660]]. Kyrkja er soknekyrkje i Jostedal sokn i Indre Sogn prosti.

1660-kyrkja er truleg den andre kjende kyrkja på staden. Den fyrste var truleg ei stavkyrkje som vart bygd i mellomalderen, kanskje på 1200-talet. Det er kjent frå to diplom daterte til 1318/19 og 1322/23 at Jostedalen hadde kyrkje og prest. Ein gong etter Svartedauden vart Jostedalen lagt øyde, og bygda vart truleg ikkje teken opp att før i andre halvdel av 1500-talet.  

Den fyrste skriftlege kjelda ein har etter Svartedauden er ei skatteliste datert til 1596 som fortel kva ytingar presten skulle ha frå bøndene. I samband med nyryddinga hadde ein truleg sett den gamle stavkyrkja i stand. På ei synfaring 6. januar 1656 vart det slege fast at kyrkja var for dårleg, og at ei ny laut byggjast.<ref>Synfaringsdokument 6.1.1656 [http://www.historielaget.jostedal.no/?page_id=758 (digital utgåve)]</ref> Eit dokument datert 2. oktober 1660 fortel at den nye kyrkja då stod ferdig, og ho vart taksert til 216 riksdalar.<ref>Synfaringsdokument 2.10.1660 [http://www.historielaget.jostedal.no/?page_id=390 (digital utgåve)]</ref> Leiar for kyrkjebygginga var [[kyrkjeombodsmenn i Jostedalen|kyrkjeombodsmann]] og sokneprest [[Tøger Jensson]]. Bygningstekniske granskingar i 2009-2010 har dokumentert omfattande gjenbruk av bygningdelar frå den tidlegare kyrkja. Det mellom anna sannsynleg at heile koret har vorte bygt til ei tidlegare kyrkje og sett inntil den nye.<ref>[http://www.historielaget.jostedal.no/?p=1336 Ola Storsletten: Gjenanvendte bygningsdeler i Jostedalen kirke? NIKU oppdragsrapport 140/2010]</ref>