Kolgrov krins: Forskjell mellom sideversjoner

Eg tok til på skulen i 1932 og då var skulen i Indrefjord i privathus hos Bekken. Skulevegen gjekk gjennom utmark frå Kolgrov og til Indrefjord. Vegen var mange plassar ulendt og vanskeleg, særleg om vinteren i mykje snø, og då måtte far måke veg i gjennom snøfennene. Vi gjekk i skulen i Indrefjord i fem år. Vi var seks ungar. Skulen vart nedlagd i 1937. Då var vi to gutar igjen. Då vart ungane flytta vekk og eg gjekk på skule på Sognnes og budde der i fjorten dagar. Den andre guten gjekk på Rysjedal. Eg gjekk på skulen på Sognnes eitt år. Der var store forandringar. Der var skulestove med pultar til å sitte på. So vart det slutt på Sognnes etter eitt år på grunn av for mange elevar i samla skule. So måtte eg starte på Hyllestad. Det var siste året i 1939.Skulevegen til Hyllestad gjekk og gjennom utmark. Tre dagar for veka. Det var mykje snø om vinteren og då gjekk eg på ski so langt det var råd. Resten måtte eg gå. Eg brukte meir enn ein time kvar veg.