Kristian Nordlid: Forskjell mellom sideversjoner

Frå 1886 kombinerte Nordlid presse og publiseringsarbeidet med geistlege stillingar. I 1886 vart Nordlid stiftskapellan i Kristiania bispedøme. Stiftskapellanen trådde inn som vikar i sokneprestkall i kortare eller lengre tid. Han lærde landet betre å kjenne da han hadde oppdrag i bygder som Skiptvet, Ål, Hurdalen, Rollag og Seljord. I Seljord fekk han sokneprestkallet i 1898, ein stad han hadde gode minne frå og gode vener som Jørund Telnes og andre.

Den 17. mai 1899 vart det for fyrste gong halden heile gudstenester på nynorsk i tre kyrkjer i Telemark, derunder Seljord med Nordlid som prest. Sviktande helse gjorde at han søkte avskil frå kallet i 1903 og han budde den siste tida i Kristiania der han døydde to år seinare.

Som teolog var Nordlid sterkt påverka av Grundtvig. Olav Midtun skriv om Nordlid at ”han aldri [var]  nokon stiv teolog, han vilde helst vera folkelærar.” Han gav ut ein del religiøse skrifter, mellom anna eit utvalg av Luthers reformasjonsskrifter som han hadde omsett, eibok av den skotske evangelist og naturvitskapsmannen Henry Drummond og anna.