Kvitsøy fyr: Forskjell mellom sideversjoner

<onlyinclude>{{thumb|Kvitsoy fyr01.jpg|Kvitsøy fyr i 2004.<br /><small>Foto: Roar Johansen</small>}}

I følgje lokal tradisjon skal det liggja ei dramatisk hending bak opprettinga av Kvitsøy fyr. Ei vinternatt i året 1700 kjempa eit skip seg innover mot [[Stavanger]] i ein forrykande storm. Fartøyet unngjekk såvidt dei farlege skjera ved Kvitsøy. Ombord var [[Henrik Petersen Ystad]]. Han var frå Skåne, men hadde rundt 1690 etablert seg som skippar og skipsreiar i Stavanger. Henrik skal medan stormen rasa, ha lova Vårherre at dersom dei kom trygt fram til Stavanger, skulle han sørgja for å få reist fyr på Kvitsøy og ved [[Karmsundet]]. Ein meir dramatisk variant av denne historia går ut på at skipet forliste og Henrik hamna i sjøen. Der skal han så ha gjeve lovnaden om å bli fyrbyggjar, viss han vart berga.</onlyinclude>  

Henrik Petersen budde i Stavanger og betalte folk på Kvitsøy og Høyevarde for å passa fyra. Noko lukrativ geskjeft kan det tydelegvis ikkje ha vore. Då Petersen døydde i 1831, var gjelda hans 1100 riksdalar. I følgje ein soneson hadde han sett formuen sin overstyr ved opprettinga av fyra. Familien tok på denne tida til å skriva seg for von Fyhren, truleg eit forsøk på å tilsnika seg [[adel]]sskap. Son til Henrik, Morten Henrik Petersen von Fyhren, fekk [[kongebrev]] på Kvitsøy og Høyevarde fyr i si livstid både av kong Christian VI i 1744 og kong Fredrik V i 1747. Enka etter Henrik hadde rett på halvdelen av inntektene frå fyra så lenge ho ikkje gifta seg på ny. Gjennom heile 1700-talet var Kvitsøy fyr i familien von Fyhren si eige. Tradisjonen om fyrdynastiet levde vidare, og på 1900-talet fanst det framleis personar i Stavanger med døypenamnet «Petersen von Fyhren».

[[Kategori:Fyr i Rogaland]]

[[Kategori:Kvitsøy kommune]]