Nils Grotnes: Forskjell mellom sideversjoner

<onlyinclude>{{thumb høyre|Nils Grotnes 1890-1960.jpg|Nils Grotnes ca. 1950.|Ukjent}}'''[[Nils Grotnes|Nils Jørgen Kornelius Grotnes]]''' (fødd i [[Rana kommune|Nord-Rana]] 25. februar 1890, død 5. april 1961) var lærar og skulestyrar. Mest er han kjend som styrar for [[framhaldsskule]]n i [[Sel]] i [[Gudbrandsdalen]] i fleire tiår, og for å ha grunnlagt og styrt realskulen i bygda. Han var elles aktiv i offentleg styre og stell og i organisasjonslivet, ikkje minst kva gjeld ideelt ungdomsarbeid. I ei studentjubileumsbok karakteriserer han si eiga livsorientering i [[Christopher Bruun|Christopher Bruuns]] ånd: «Kristeleg nasjonal (norskdom og kristendom)». Han var blant pådrivarane for å få inn [[Språkskiftet til nynorsk i Gudbrandsdalen|nynorsk som skulemål i Gudbrandsdalen]] i 1930-åra. Politisk orienterte han seg mot [[Arbeidarpartiet]]. Han var aktiv i den sivile motstanden mot okkupasjonsregimet 1940-1945.</onlyinclude>

Grotnes tok eksamen ved [[Elverum lærarskule]] i 1913. Han tok [[examen artium]] som privatist på reallinja i 1922. Ved sida av lærarstillinga var han deltidsstudent ved [[Universitetet i Oslo]] i åra 1924-1930. Der tok han førebuande prøver i filosofi, latin, gresk og hebraisk. Han hadde planar om å studere teologi, men fekk av praktiske og økonomiske grunnar ikkje realisert dette. Han var to semester ved Universitetet i Göttingen (Tyskland) i 1928 og 1929.

Han tok til i framhaldsskulen i Sel i 1924, og var lærar og styrar der til han gjekk av med pensjon ved nyttår 1960. Han hadde eit opphald da han studerte i Tyskland i slutten av 1920-åra og dessutan under okkupasjonstida, da han arbeidde i folkeskulen på [[Otta (tettstad)|Otta]]). Framhaldsskulen var annakvart år på Nord-Sel og Otta fram til den vart gjort obligatorisk i 1952 og fekk fast tilhald på Otta.

Nils Grotnes var aktiv på mange frivillige frontar. Han var med i ungdomslagsarbeid, og han starta og leia ein speiartropp på Otta. Han var fråhaldsmann, var forstandar for barnelosjer og hadde verv som distriktstemplar i losje Gudbrandsdølen. Dessutan var han ein ivrig bilist, og var formann i avdeling Nord-Gudbrandsdal av [[Norges Automobilforbund]]. Han oppgir elles sjølv i samlebiografiar at han har bilferie med camping som hobby.

Han var aktiv i sin eigen yrkesorganisasjon, mellom anna ved å ta intiativ til og vere formann i Eide lærarlag og tilsvarande i 10 år for Vågå, Sel og Heidal pedagoglag.

 

Han var i eit par periodar med i heradsstyret og i skulestyret i Sel, vald av Arbeidarpartiet.

 

I 1934 var han med og skipa Gudbrandsdal lærarmållag saman med mellom andre [[Martinus Høgåsen]] og [[Kristian P. Åsmundstad]]. Dette laget stilte seg i spissen for ein svært vellykka aksjon for å få til [[Språkskifte til nynorsk i Gudbrandsdalen|språkskifte til nynorsk i Gudbrandsdalen]].

* [[Martinus Høgåsen|Høgåsen, Martinus]]: «Minneord om skulemannen Nils Grotnes», i ''Årbok for Gudbrandsdalen 1961''.

[[Kategori:Rana kommune]]

[[Kategori:Personer]]

[[Kategori:Sel kommune]]

[[Kategori:Værøy kommune]]