Olav Viken: Forskjell mellom sideversjoner

<onlyinclude>[[Fil:Viken, Olav 1895-1963.jpg|<small>Olav Viken ca. 1960. Foto:Kristian Hosar.</small>|thumb]]'''[[Olav Viken|Olav (Olaf) Viken]]''' (fødd i [[Skjåk]] 25. februar 1895, død same stad 1963) var den siste i Skjåk som hadde tjørebrenning som yrke. Særleg i ungdomen var han også aktiv i lokalpolitkken, som ein av pionerane i den sosialistiske arbeidarrørsla i Skjåk.</onlyinclude>

I ungdomen dreiv Olav Viken fleire slags arbeid, på gardane, i skogen og på anlegg. I 1928 byrja han for alvor med tjørebrenning i skogen til Skjåk-ålmenninga. Han bygde seg ei hytte ved riksvegen ved Kvernåa i Billingsdalen, nokre kilometre vest for Pollfoss, og budde der mest året rundt. Næraste naboane om vinteren var gardane Pollmoen og Glitne og hotella Pollfoss og Grotli, alt  fleire kilometer unna. Det var også tømmerhoggarar i skogane omkring om vinteren. Om sommaren var det store trafikk. Han samla feitrøter (tyrirøter), reinsa dei for jord og grus, hogg dei opp til småved og la den opp etter ein bestemt metode. På sommaren, helst i juli, brende han mila. Det tok fire døger. Av 80-90 kubikkmeter feitved som han til vanleg hadde samla til ei mile, kunne han få få om lag 2500 kilo tjøre og 18-20 kubikkmeter trekol. Rundt 1960 vart dette til ei årsinntekt på ca. 3000 kroner.

I Billingsdalen var Olav Viken ein einebuar. Han var ungkar heile livet. Men han var langt frå nokon asosial personlegdom, og han deltok aktivt i samfunnslivet. I bortimot ein mannsalder frå 1920 til 1948 var han blant dei sentrale arbeidarpartifolka i Skjåk. Han var med i leiinga for Skjaak Socialistlag iallfall frå 1922 (Gudbrandsdalens Social-Demokrat 31.5.1922.) I 1925 vart han fyrste gongen vald inn i kommunestyret på NKP si liste (sosialistlaga i Skjåk følgde NKP ved partisplittinga i 1923, men melde overgang til Arbeidarpartiet att frå ca. 1928). Viken var ikkje med i det kommunestyret som vart valt i 1928, men frå 1932 til 1948, med unntak av okkupasjonstida, representerte han samanhengande Arbeidarpartiet i Skjåk kommunestyre.