Peder Pavels Aabel: Forskjell mellom sideversjoner

'''Peder Pavels Aabel''' (fødd 19. desember 1795 i [[Jostedal|Jostedalen]], død 3. juli 1869 i [[Krødsherad kommune|Krødsherad]]) tok teologisk embetseksamen 13. mai 1821.

For å kome nærare far sin [[Ole Aabel]], sokneprest i [[Aurland]], søkte han prestekallet i Jostedalen som hadde stått ledig sidan 1820. Han vart utnemnd 13. april 1822 og overtok embetet i oktober 1822. Aabel var vertskap for den andre biskopen som visiterte i Jostedalen, [[Jacob Neumann]] i juli 1823.<ref>[http://www.historielaget.jostedal.no/?page_id=412 Neumanns visitasberetning frå Jostedalen]</ref> Aabel vart raskt misnøgd med dei stusslege tilhøva for prestefamilien i det vesle og fattige bygda der han sjølv budde dei fyrste leveåra sine. Då sokneprestembetet i [[Sogndal]] vart ledig, søkte han det og vart utnemnd 20. august 1823. Aabel fekk gjenomslag for at han framleis skulle styre prestekallet i Jostedalen frå Sogndal. Som motyting gjorde han framlegg om jostdalspresten sitt tilskot på 19 tønner frå korntida til dei andre kyrkje i Sogn i tre år skulle gå til oppbygginga av eit kornmagasin i Jostedalen. Dette var bakgrunnen for skipinga av [[Jostedal bygdemagasin]].<ref>Jf. Øvregard m.fl. 2010, s. 185</ref> Aabel tok seg av Jostedal prestekall fram til 1829 då svogeren [[Bernt Anker Leigh]] kom til Jostedalen som sokneprest.

17. juni 1833 vart Aabel utnemnd til sokneprest i Land der han skipa det som etter Lampe var den fyrste høgare allmugeskulen i Noreg. 16. april 1853 vart han prost i Valdres. Han fekk avskil som prost 1863 og frå sokneprestembetet 1866. Han var farfar til skodespelaren Hauk Aabel og oldefar til skodespelaren Per Aabel.