Pillarguri: Forskjell mellom sideversjoner

Prillarguri er ein segnfigur som deltok i [[slaget ved Kringen]] sør for [[Otta]] i 1612. Ho blåste i ein [[lur (instrument)|lur]] eller eit [[prillarhorn]] når det var tid for at den norske bondehæren skulle gå til åtak mot [[skottetoget]]. Ho kan vere basert på en virkelig person, men det har ikkje vore mogleg å knytte ho opp mot nokon i kjeldene.

Ifølge segnet sto Pillarguri på ei høgde og blåste i ein lur. Høgda heitte tidlegare Selsjordkampen, men har seinare fått namnet [[Pillarguri (topp)|Pillarguri]].<ref>{{faktaark|556690}}.</ref>

Fleire lokalhistorikarar i Gudbrandsdalen meinar at Pillarguri er ein historisk person, medan ein del folkeminnegranskarar meinar at ho er eit døme på ein type som er kjend frå fleire folkesegner. Ingen av kjeldene frå 1600-talet nemner ei kvinne som blåste til strid. Men det var ein levande segntradisjon, og det var frå denne Krag hadde sin informasjon. Altså kan vi ikkje utelukke at forteljinga om Pillarguri går heilt attende til 1612.

[[Sjur A.F. Lonbakken]] er i ''Slaget ved Kringen'' klår på at at han meiner det er eit segn utan rot i røynda. Det sterkaste argumentet er at ingen av kjeldene frå før Faye skreiv ned segnet i 1833 nemner noko som kan minne om Pillarguri. Han ramsar opp ei rekke kjelder, mellom anna to rapporter frå statthaldaren datert 1612, fleire gåvebrev, ein rapport frå 1661, ei minnetavle frå 1733, «[[Dølevisa]]», [[Gerhard Schöning]] sitt skrift frå 1775 og Storm sin Sinclairvise frå 1782 - ingen av dei nemner Pillarguri eller noko som kan minne om ho.