Pollfoss hotell: Forskjell mellom sideversjoner

<onlyinclude>{{thumb høyre|Pollfoss hotell 2 red.jpg|Pollfoss hotell i september 2012. Fjelltoppen Framrusthovden i bakgrunnen.|[[Bruker:Hans P. Hosar|H.P.Hosar]]}}

[[Pollfoss hotell|Pollfoss hotell og gjestehus]] ligg i [[Skjåk kommune]], i [[Billingsdalen]] ved riksveg 15. Hotellet vart bygt i 1897 rett ved den spektakulære Pollfossen i Ottaelva, i skogterreng ved starten av fjellovergangen til [[Stryn]] ([[Nordfjord]]) og [[Geiranger]] ([[Sunnmøre]]). Før hotellet kom, var det [[skysstasjon]] der i nokre år.   

Hotellet har i dag 26 gjesterom, og blir drive på heilårsbasis. Tidlegare har det mest vore halde ope for gjestar i sommarsesongen og i påskene.

[[Bilde:Chr A Hjelter.jpg|thumb|<small>Fyrste eigaren: Chr. A. Hjelter (1850-1926). Han byrja med skysstasjon og bygde hotellet</small>. Foto: Ukjent.]]

I 1890 inngjekk gardbrukaren [[Christian A. Hjelter|Chr. A. Hjelter]] kontrakt med staten om å halde skysstasjon og gjestgiveri ved Pollfossen i juli og august månad kvart år. Dette kom i staden for Pollmoen like i nærleiken, som til da hadde vore nytta som mellomstasjon mellom skysstasjonane Lindsheim nede i bygda og Grotli oppe på høgfjellet.

Skogsdrifta i Billingsdalen har også elles til tider hatt økonomisk betydning for hotellverksemda. Det gjaldt særleg under store tømmerdrifter under og rett etter fyrste verdskrigen. I 1920 var det over 100 tømmerhoggarar i Billingsdalen, ein god del av dei innlosjerte på hotellet, og nå ikkje lenger under skysstasjonavtalen om gratis losji.

I 1938 eller 1939 vart det gjort opptak til [[Tancred Ibsen]]s film Gjest Baardsen på Pollfoss. Det var dramatiske fluktscener som vart filma i Pollfossen nedanfor hotellet.

[[Bilde:Pollfoss 1941 P Hosar.jpg|thumb|<small>Per Hosar (1917-1989) åtte hotellet 1941-1959. Her avbilda som stolt, nybakt hotelleigar (men ikkje nybakt far - barnevognene tilhøyrde ein gjestande familie).Foto: Ukjent</small>.]]

Aase Hosar, som gifta seg med Per Hosar og flytta til Pollfoss i 1943, fortel i livsminna sine om heller tungvinte forhold på hotellet på den tida. Fram til 1953 budde familien der året rundt. Dei fyrste åra var det ikkje straum, og vinterstid var det heller ikkje springvatn. Oppvarming gjekk greitt med vedomnar, men det var verre med ljos. Under krigen fekk dei veldig lite parafin til dei mange lampene som skulle til, og stearinljos var slett ikkje å oppdrive.

Både under og rett etter krigen vart det ekstra trafikk ved hotellet på grunn av kraftutbygginga og damanlegget i Raudalen.

Etter krigen skaffa hotellet seg fyrst eit bensinaggregat til ljos. I 1949 overtok dei eit kraftverk frå Grotli og installerte det nede i Pollfossen. Det gav 36 kilowatt likestraum, og forsynte hotellet og dei to naboane Pollmoen og Glitne. På hotellet heldt det private kraftverket til ljos, oppvask- og klesvaskemaskin, og ikkje minst kjølerom. Denne ordninga greide seg til midt på 1960-talet, da [[Skjåk kraftverk]] førde straumen fram frå bygda til Pollfoss og Grotli.

Hosar moderniserte bygningen i monaleg grad, mellom anna ved å bordkle dei gamle plankeveggane og byggje inn verandaen i fyrste etasjen. Det vart tidleg (under krigen?) installert vassklosett og badekar i gjestefløya, men ikkje på kvart enkelt rom. Ein var iallfall i påska framleis avhengig av ein svær utedo nede i garden, og værelsesjentene forsynte gjestane med varmt vaskevatn i mugger på servantane på romma. Etablissementet hadde ikkje den standard og komfort som kravdest for å få status som hotell, og heitte da også Pollfoss turistheim i denne tida.  

Frå 1954 budde eigarfamilien nede i bygda vinterstid, og flytta opp på hotellet kvar sommar- og påskesesong. Med leigd lastebil, og dei siste åra med ein eigen innkjøpt varebil, ei stor tidlegare ambulanse, vart familien med mykje utstyr, mat, høner, hund og katt og ”jenter” (arbeidshjelp) frakta strekninga mellom bygda og hotellet fire gonger i året.  

I 1959 selde Hosar hotellet til Willy Yri, som frå før av dreiv Yris hotell på [[Nordfjordeid]]. Hosar dreiv også påske- og sommarsesongen i 1960 på vegne av den nye eigaren. Det vart nå i nokre år ein eigen tilsett bestyrar, Oscar (?) Lunde, inntil Sivert Yri, son av eigaren, overtok drifta.

== Galleri ==

Fil:Pollfoss hotell 2012-1.jpg|<small>Pollfoss hotell september 2012. Foto: H.P.Hosar.</small>

[[Kategori:Hotell]]

[[Kategori:Turisme]]

[[Kategori:Bygninger i Skjåk kommune]]