Ragnvald Einbu: Forskjell mellom sideversjoner

'''[[Ragnvald Einbu]]''' (fødd [[10. januar]] [[1870]] på [[Lie (Lesja)|Nordi Lie]] på [[Lesjaskogen]], død [[4. juli]] [[1943]] i heimen sin, Skogly under [[Sili (Lesja)|Sili]] på Lesja) var treskjerar og målar. Einbu er mellom anna kjent for å ha dekorert kyrkjeinteriør fleire stader i Noreg og for ei lang rad dekorasjonsoppgåver i offentlege bygg og private heimar. Han var ein yngre bror av astronomen [[Sigurd Einbu]].

Foreldra Marit Syversdtr. og Peder Johanness. flytta til farsgarden [[Einbu (Lesja)|Ni Einbu]] i 1875 og til Sili i 1890. I 1887 reiste Ragnvald til [[Trondheim]] og begynte i lære hos målarmeister Peter Theodor Holst Grubbe,<noinclude><ref>{{folketelling|pf01037426001086|Peter Theodor Holst Grubbe|1900|Trondheim kjøpstad|nn}}.</ref></noinclude> der han var i tre år og fekk grunnleggjande opplæring i farge- og målingslære og målingsteknikkar. Nokre år seinare begynte han med treskjering, og i 1895 sendte han fleire figurar til [[Den Norske Husflidsforening|Husflidsforeningen i Kristiania]]. Desse vakte åtgaum, og året etter fekk Einbu friplass ved [[Statens håndverks- og kunstindustriskole]].

<noinclude>

== Tidlege engasjement ==</noinclude>

I perioden mars–oktober 1906 var Einbu i [[Ålesund]] og deltok i gjenoppbyggingsarbeidet etter [[Bybrannen i Ålesund 1904|den store brannen to år før]]. Nokre år seinare var han med på å restaurere barndomskyrkja i heimbygda, på [[Lesjaskog kyrkje|Lesjaskog]]. Det ser ut til å ha vore stor aktivitet med kyrkjerestaurering desse åra; i 1924 er det i ein avisartikkel om Einbu opplyst at han utanom Lesjaskog hadde vore med på arbeid i kyrkjene på [[Dovre kyrkje|Dovre]], [[Fåvang kyrkje|Fåvang]], [[Venabygd kyrkje|Venabygd]], [[Vågå kyrkje|Vågå]], [[Kinn kyrkje i Sunnfjord|Kinn]] i [[Sunnfjord]], [[Eid kirke (Rauma)|Eid]] i Romsdalen, [[Vivestad kirke og kirkegård|Vivestad]] i Vestfold, [[Rjukan kyrkje|Rjukan]] i Telemark, [[Garmo kyrkje]] på [[Maihaugen]], [[Ringebu kyrkje|Ringebu]], [[Kvikne kyrkje (Nord-Fron)|Kvikne]] og [[Kvam kyrkje (Nord-Fron)|Kvam]] i [[Nord-Fron]], [[Øvre Rendalen kyrkje|Øvre Rendalen]], [[Sel kyrkje|Sel]] og [[Folldal kyrkje|Folldal]].  

{{thumb høyre|Takmaleri Lesja kirke.jpg|Takmåleri i Lesjakyrkja}}I fleire av desse prosjekta skal han ha arbeidd i lag med arktitektane [[Carl Berner (1877-1943)|Carl Berner]], [[Heinrich Jürgensen]] og [[Herman Major Schirmer]]. Seinare dekorerte han òg [[Lesja kyrkje]], [[Vingelen kyrkje]], [[Gudbrandsdal folkehøgskule]] på [[Hundorp]], [[Fåberg kyrkje]], [[Trondarnes folkehøgskole]] ved [[Harstad]], [[Mesnali kapell]], [[Nord-Sel kyrkje]], [[Tolga kyrkje]] og ei lang rekkje skular, kommunehus, forsamlingslokale og private heimar.

I 1912 bygde Einbu seg bustadhus på Lesja, ein eigedom han utvikla med fleire eldre hus han dekorerte. I 1915 gifta han seg med ''Berta'' (1888-1974), og fekk etter kvart fem barn som voks opp. Mellom dei følgde sonen [[Per R. Einbu|Per]] i fotspora til faren. Yrkesutøvinga førte Ragnvald - som vi kan forstå - på stadige reiser rundt omkring ikkje berre i regionen, men òg i landet.

== Oppdrag i Skjåk ==

I 1920-åra tok Einbu på seg ei rad dekorasjonsoppgåver i [[Skjåk]]. Det galdt mellom anna i det nye [[Marlo skule|skulehuset i Marlo]], som stod ferdig i 1924. På dørene i klasseromma der måla Einbu kopiar av kjende motiv frå dei illustrerte utgåvene av Asbjørnsens og Moes eventyr og Snorres kongesoger. Norskdoms- og husflidsentusiastar som [[Amund I. Odden]], [[Rolv Øygard]] og [[Gudbrand Skjaak]], kjøpmann [[Erik R. Kvale|E.R.Kvale]] og kanskje fleire, engasjerte han til liknande dekorasjonsoppgåver i heimane sine. [[UL Fram]] fekk han til å lage store veggmåleri i [[Ungdomshuset Solheim (Skjåk)|ungdomshuset Solheim]], der han kopierte [[Eivind Nielsen]]s illustrasjonar i ''Norsk Billedbog for Børn''.

 

==Litteratur og kjelder==

*{{Kjelland1996}} side 309

[[Kategori:Personer]]

[[Kategori:Lesja kommune]]