Ragnvald Einbu: Forskjell mellom sideversjoner

<onlyinclude>{{thumb|Forside v2.jpg|Sjølvportrett i Lesja kyrkje|Tor Nørstegård}}

'''[[Ragnvald Einbu]]''' (fødd [[10. januar]] [[1870]] på [[Nordi Lie]] på [[Lesjaskogen]], død [[4. juli]] [[1943]] i heimen sin, Skogly under [[Sili]] på Lesja) var treskjerar og målar. Einbu er mellom anna kjent for å ha dekorert kyrkjeinteriør fleire stader i Noreg og for ei lang rad dekorasjonsoppgåver i offentlege bygg og private heimar.

<noinclude>== Familie, oppvekst og utdanning ==</noinclude>

Foreldra Marit Syversdtr. og Peder Johanness. flytta til farsgarden [[Ni Einbu]] i 1875 og til Sili i 1890. I 1887 reiste Ragnvald til Trondheim og begynte i lære hos målarmeister [http://digitalarkivet.uib.no/cgi-win/webcens.exe?slag=visbase&sidenr=4&filnamn=f01601&gardpostnr=227&personpostnr=1086&merk=1086#ovre Peter Theodor Holst Grubbe], der han var i tre år og fekk grunnleggjande opplæring i farge- og målingslære og målingsteknikkar. Nokre år seinare begynte han med treskjering, og i 1895 sendte han fleire figurar til [[Husflidsforeningen i Kristiania]]. Desse vakte åtgaum, og året etter fekk Einbu friplass ved den [[Kongelige Kunst- og Håndverksskole]].

<noinclude>== Tidlege engasjement ==</noinclude>

Einbu begynte truleg å skjere ut og dekorere skap og måle bilete på oppdrag kort tid etter han fullførte skuleåret i Kristiania. Nokre år etter 1900 fekk han truleg sitt første oppdrag med å dekorere kyrkjeinteriør, i [[Lesja kyrkje]]. Etter kvart kom han i kontakt med [[Anders Sandvig]] på [[Maihaugen]], og han arbeidde i alle fall med dekorasjonane i samband med restaureringa av [[Isumkapellet]] frå [[Sør-Fron]] </onlyinclude>(ferdig i 1910). Seinare vart han fast engasjert på museet med reparasjon av tregjenstandar og oppfrisking av dekormåling. Sommaren 1914 skar han ein nøyaktig modell av museet i målestokk 1:100. Den vart stilt ut på den store [[jubileumsutstillinga i Frognerparken i Kristiania]] same året, og seinare sendt til utstilling i San Francisco, USA.