Rokkemakarvegen
Rokkemakarvegen i Bø i Telemark går sørover frå Gregars veg på Nordbø til Skyttarvegen ved Moland.
Vegen har namn etter rokkemakarætta på øvre Moland (gnr. 56/3). Garden er nr. 80 i den drøyt 1 km lange vegen som er å rekne som ein gardsveg.
Olav Olavsson (1839-1929) frå Sisjord kom til garden Moland kring 1860. Han bygde seg snikkarverkstad der han laga rokkar, og fekk snart eit vidgjete ry som rokkemakar. Moland-rokken var noko utanom det vanlege! Sonen hans, Halvor Olavsson (1878-1955), byrja i 12-årsalderen i rokkemakarverkstaden, og jobba saman med far sin til han døyde 90 år gamal. Rokken held da på å gå ut av vanleg bruk, men Halvor hadde mange jarn i elden, og forutan gardsdrifta, dreiv han og som møbelsnikkar og laga fint utskorne møblar i bjørk. Han laga også mange byster og skulpturar av gips og leire. Under andre verdskrigen blei det igjen spurnad etter rokkar, og han og sonen Olav Halvorsson Moland (1919-?) laga rokkar ei tid, men så blei det slutt.
Kilder
- Kartverket: norgeskart.no
- Bøsoga, Gards- og ættesoga band I ved Stian Henneseid. Bø kommune 1982, s. 159-163.