Signe Hovet
Signe Olsdotter Hovet (fødd 6. februar 1916 på Hovet i Hylestad) er dotter til Olav Hansson Hovet (1866–1932) og Gyrid Jonsdotter Bjørgum (1872–1968). Ho vart døypt av prest Tønnesen i Hylestad kyrkje 12. mars 1916, og konfirmera av prest Brun 19. april 1931 same staden.
Ho er yngst i ein syskjenflokk på 11, der eldstemann Hans (1896–1896) døde som born. Sjølv vart ho aldrig gipt, og bur i 2016 på bygdeheimen i Valle. Ho arbeidde mellom anna som sjukepleiar både i USA og i Noreg, og det er i denne sektoren ho arbeidde mesteparten av tida. På hundreårsdagen hennar, 6. februar 2016, kom ordføraren i Valle kommune med telegram frå kong Harald V.
Kjelder
- Aust-Agder fylke, Hylestad i Valle, Klokkerbok nr. B 2 (1875-1921), Fødte og døpte 1914-1916, side 83, nr. 2.
- Aust-Agder fylke, Hylestad i Valle, Klokkerbok nr. B 3 (1921-1948), Konfirmerte 1931, side 82, nr. 1.
- Lien, Ole Birger: «Signe runda 100 og fekk telegram frå Kongen» i Setesdølen 12. februar 2016, side 7.
- «Signe Hovet» på Setesdalswiki.