Skoltesamiske båtar: Forskjell mellom sideversjoner

Det finst bevart éin skoltesamisk sjøbåt i [[Tromsø Museum]], nemlig ein treroms «vanas» ({{skolt.}} ''veenâs'') med éi master og eit [[symmetrisk råsegl|råsegl]] som var vidare oppe enn nede. Denne båten blei bygd til [[vårtorskefisket]] i [[1870]]. [[Kjøl]]en går frå stamn til stamn og har tydelig T-profil. Stamnprofilane er i all hovudsak identisk med den vesentlig større [[sjnjaka]]en: [[Bakstamn]]en er rett og utfallande, medan [[framstamn]]en er sterkt krumma og avsluttar i ein markant innsving øvst. Det er tre omfar på båten: to botnomfar og eitt sideomfar, med tydelig knekk mellom botnen og sida. Omfara er hogd, og dei er ihopsett med overlapp etter [[klinkbygging]]sprinsippet, men med alderdommelig sying med [[hamptråd]] snarare enn klinka [[jarnsaum]], og med [[mose]] som drev. Banda (spanta) står tett, og den treroms, 11-fots båten har heile ni band. Einaste tverravstiving er i samband med [[tofter|toftene]], som er loddrette bord som kviler an mot banda i heile høgda av sideomfaret og som ligg an mot det kraftigare botnbandet rett over kjølen. Øvst på toftebordet gjer ein L-forma knekk mot ryggsida til roarane at sitteflata blir brei nok. I dei to fremste rorsromma satt rorskaran med ryggen mot framstamnen og rodde vanlig. I det attaste rommet satt [[høvedsmann]]en og [[hamle|hamla]]. Under segl, når roret måtte brukast, blei det brukt [[styrvol]].

[[kategori:austsamer]]