Studieringen «Viking»: Forskjell mellom sideversjoner

{{thumb|Studieringen Viking.jpg|Studieringen «Viking» femti år etter. Det opphavlege styret samla til jubileumsfest i ungdomshuset Vonheim 1982. F.v. [[Øyvind Døssland]], [[Lars R. Tysnes]], [[Garfield Gundersen]], [[Ingvald Ingebrigtsen]] og [[Selmer Dalland]].}}  

'''[[Studieringen «Viking»]]''' vart skipa i 1932. Føremålet var å ordskiftast om aktuelle tidsspørsmål og fremjing av gode bygdetiltak i [[Tysnes kommune]]. For at medlemene skulle kunna uttala seg fritt, var det referatforbod frå møta.  

Gjennom åra vart det teke opp mange emne i studieringen. Som ein kuriositet vart spørsmålet om ein ytre stamveg over Tysnes teke opp alt i 1937, eit prosjekt som først i våre dagar er i ferd med å bli realisert. Det var også Studieringen «Viking» som tok initiativet til [[Båtlaget Njord]], som i tidlegare år arrangerte fleire regattaer i [[Våge (Tysnes)|Våge]] og framleis er aktivt. Andre oppgåver som studieringen fremja eller tok del i  var m.a. vassverk i Våge, som i dag er [[Tysnes Vassverk]], installering av elektrisk straum i ungdomshuset [[Vonheim (Tysnes)|Vonheim]], kartlegging av sentrale strok i Våge, og utgjeving av juleheftet [[«Njardarlog»]] som kom i nokre år på 1940- og 1950-talet.

Dei største oppgåvene som Studieringen «Viking» tok på seg, var arrangement av bygdeutstillingar. På den fyrste utstillinga i 1948 kom det 1800 personar, på den siste 25 år etter var det 4000.  

Studieringen var samla siste gongen på ein fest i 1982.  

*[[Ernst Berge Drange]]: ''Tysnes gards- og ættesoge, band 3''. Utg. Tysnes Sogelag, 1989.  

*[[Johannes Heggland]]: ''Tysnes - det gamle Njardarlog''. Utg. Tysnes sogelag, 1999.  

[[Kategori:Diskusjonsklubber]]