Tinghaugvegen (Sauherad)

Tinghaugvegen på Gvarv/Lindheim i Midt-Telemark kommune går fyrst som gang- og sykkelveg frå Skrivarvegen på sørsida av Gvarvgata (Rv 360) og passerer i tunnel under denne og vidare mellom Gvarv skole og Sauherad ungdomsskole. Herfrå fortsett han som vanleg veg austover langs Gvarv stadion og ender i Nyhussvingen.

Tinghaugvegen sett nordover frå Nyhussvingen.

Foto: Roy Olsen (2019).

Tinghaugvegen fekk namn i 1999 etter den gamle tinghaugen som ligg attmed vegen. Han er 1 193 m lang, går i jordbrukslandskap og passerer fleire Lindheimgardar.

Kjelder

• Kartverket: Norgeskart
• Sauherad kommune: Veger navnsatt av kommunestyret, liste frå 1999.