Tosten Olsen Oppnåsen: Forskjell mellom sideversjoner

<onlyinclude>{{thumb høyre|Lom Stamstad nov 2011.jpg|Sygard Stamstad i Lom. Store delar av sitt vaksne liv budde Tosten Olsen på husmannsplassar under denne og andre gardar i nærleiken (Blakar, Frøyse, Andvord). Nabogarden til Stamstad er Synstad, som var lensmannsgard. Tosten var fleire gonger arrestant der.|Hans P. Hosar 2011.}}'''[[Tosten Olsen Oppnåsen]]''' (fødd i [[Skjåk]] 11. april 1829, død i [[Lom]] 1918) var husmann og jordarbeidar. Frå ung alder fekk han ord på seg for å vere ein rabagast og notorisk tjuvradd. Rettsprotokollane viser at ryktet ikkje var heilt ugrunna. I likskap med ei rekkje  samtidige representantar for bygdeproletariatet i Lom og Skjåk, har Tosten vorte udøyeleggjord som ein av aktørane i [[Olav Aukrust]]s dikt «Aksion på Tande» under oppnamnet Musken.</onlyinclude>

«Dei kalla’n Musken au, og Brisken, etter hamliten og faktene», skriv [[Olav T. Kvaale]], lærar og lokalhistorikar, som sjølv kjende han Tosten på hans eldre dagar.  

Musken (Muskeguten, Muske-Tosten) kjem av substantivet ''musk'', som mellom anna tyder boss, rusk, og dertil i følgje [[Ivar Aasen]] ([[Norsk Ordbog]]) «Dunkelhed i Farve, et mørkt eller taaget Udseende, en mørk Plet og deslige.» Så oppnamnet kan vel ha samanheng med Tostens ikkje spesielt pertentlege ytre, eller at han var mørk i hud og hår. Brisken kan kome av verbet å briske (seg), dvs. hovere, skryte, framstå som ein fan-te'-kar.