Eigil Steinsfjord
Eigil Steinsfjord (fødd 17. mai 1945 i Oslo, død 14. oktober 2017) var lektor og forfattar.
Eigil Steinsfjord budde heile sitt vaksne liv på Leira i Nord-Aurdal. Han var utdanna lektor, med hovudfag i nordisk språk og litteratur. Den første jobben hans var som lærar ved Valdres folkehøgskule, men fra 1975 var han tilsatt som lektor ved Valdres gymnas, seinare Valdres vidaregåande skule . I Valdres var han og kjend som den kule uortodokse lektoren som gikk på ski over isen, rodde fjorden og syklet bygdevegane for å koma seg til og frå, og i over 40 år held han fram med å sykle og bruke spark for å kome seg på jobb. Sertifikat og bil skaffa han seg aldri, men han og kona kunne stundom bli observert på kvar sin moped.
Han var svært interessert i litteratur, skodespel, musikk og litteraturformidling, og ved sidan av å vere norsklærar, held han litterære foredrag i ulike samnanhengar. I tillegg til bøker skreiv han også kronikkar og artiklar til avisa Valdres, i Årbok for Valdres og i Vårt Land.
I eit intervju med avisa Valdresmagasinet 15. mars 2017, seier han at han ikkje veit kva som gjorde nett han til forfattar. Han seier vidare at han har hatt eit driv i seg heilt frå barndomen, og viser fram små heimelaga bøker frå tidlege barneår med titlar som vitnar om stor forteljartrong: Mysterier, Kidnapperne og Dobbeltspill.
I 1998 debuterte han med novellesamlinga Satan stemmer sin bassgitar. I sitt forfattarskap våga han å ta opp vanskelege tema om skuld, skam og samlivsproblem. Ein tanke som ofte går att, er om ein skal våge å tru på det gode i tilværet. Samtidig er det mykje humor i tekstane hans. Han skreiv både på nynorsk og bokmål.
Steinsfjord var styremedlem i Nord-Aurdal mållag i fleire periodar, og dei siste åra han levde arbeidde han i Kirkens Bymisjon i Oslo ei veke i månaden.
Bibliografi
- Beate, hører du meg?. Drama Black Box, 1987
- Foreldretanker i foreldretakter. Drama. Fagernes, 1987
- Velkommen. Drama med Namaa Alward, 1991
- Khomeinis menn er overalt. Skodespel NRK Radio, 1991
- Riddarspranget. Skodespel Fagernes Barneteater, 1995
- Heidendom og heilagtru. Skodespel 750-årsjubileum Ulnes kyrkje, 1995
- Satan stemmer sin bassgitar. Noveller. Eide forlag, 1998
- Noko vil koma til å hende. Eide forlag, 2000
- Gardbergspelet. Skodespel Vestre Slidre ungdomsskule, 2002
- Han ser eg er naken. Vigmostad og Bjørke, 2006
- Hva er i veien med Steinar Andersen?. Ungdomsroman. Commentum forlag, 2011
- Samliv, skamliv. Noveller. Snøfugl forlag, 2013
- Trolig utro. Snøfugl forlag, 2015
- Kjærleik i aldrings år. Snøfugl forlag 2018
Kilder
- Artikkel i Allkunne
- Kjersti Maanum: Nekrolog i Aftenposten, 3. november 2017
- Artikkel i Valdresmagasinet, 15. mars 2017